हेडलाईन

शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी        

नेपाल दक्षिण एसिया चार्ज गर्ने ब्याट्री हो : कुलमान घिसिङ

काठमाडौं– नेपाल विद्युत प्राधिकरणका कार्यकारी निर्देशक कुलमान घिसिङले नेपाल दक्षिण एसिया क्षेत्रको हव हुनसक्ने बताएका छन् । ललितपुरमा नेपाल इन्जिनियर एशोशियसनले शुक्रबार गरेको अन्र्तक्रिया कार्यक्रममा बोल्दै उनले नेपाल दक्षिण एसिया चार्ज गर्ने ब्याट्रीको रुपमा रहेको उल्लेख गरे ।

नेपालले अब लोडसेडिङको चिन्ता भन्दा पनि उत्पादन भएको विद्युत व्यवस्थापन गर्ने चिन्ता लिनुपर्ने अवस्था आएको बताए । बेलुकाको अत्यधिक बिद्युत खपत हुने बेलामा भारतबाट १ सय देखि २ सय मेगावाट बिद्युत आयात भएपनि दिनको अरु समयमा नेपालबाट बिद्युत निर्यात भइरहेको उनको भनाई छ ।

नेपालमा पहिलोपटक २ सय २० केभीको ढल्केबर लाइन पहिलोपटक चार्ज गरेको बताउँदै तामाकोशी आएपछि भारतसँग जोडिने र नेपालबाट निर्यात गर्न सकिने बताए । तामाकोशी लगायतका त्रिशुली थ्रिए, कुलेखानी लगायतका आयोजना पाँच छ महिनाभित्र आउँदै गरेको, चिलिमे, तामाकोशी पनि छिट्टै आउने र यी आयोजनाबाट झन्डै ८ सय मेगावाट बिद्युत थपिन लागेको छ ।

निजी क्षेत्रका समेत गरेर १ बर्षमा एक हजार/बाह्र सय मेगावाट बिद्युत आउने अवस्थामा रहेको र यसले नेपालको उर्जा क्षेत्रमा व्यापक उपलब्धी हासिल हुने उनले बताए । अहिले २५ सय मेगावाट बिद्युत उत्पादन हुने आयोजनाहरु निर्माण भइरहेको बताउँदै उनले ७५ वटा आयोजना सञ्चालनमा रहेको जानकारी दिए । यस्तै २१ सय मेगावाट पिपिए भएका आयोजनाहरु छन् ।

प्राधिकरणले नेपाललाई सन् २०३० सम्म ११ हजार मेगावाट, सन् २०२५ सम्म ६ हजार मेगावाट बिद्युत आवश्यक पर्ने प्रक्षेपण समेत गरेको छ । सो माग पूरा गर्नका लागि दीर्घकालीन योजनाका साथ प्राधिकरणले काम गरिरहेको उनले बताए ।

१९२० को जुलाई मा तामाकोसी आएपछि हिउँदमा मागअनुसार बिद्युत वितरण गर्न सजिलो हुने उनले बताए । जाडो याममा नेपालमा बढी बिद्युत खपत हुने र भारतमा गर्मी समयमा बिद्युत खपत हुने भएकोले इनर्जी ब्याङ्किङ प्रणालीबाट बिद्युत आदान–प्रदान गर्ने योजना राखिएको छ । यसमा बिद्युत किन्ने र बेच्ने भन्दा आवश्यकताका आधारमा दिने र लिने प्रक्रिया हुने उनले बताए ।

उनले नेपालको बिद्युत उत्पादन दर बढ्दै गएपनि बजार ब्यवस्थापनका लागि अहिलेदेखि नै कार्ययोजना बनाएर काम गरिरहेको बताए । यसका लागि बंगालदेश र चीनसँग बिद्युत बिक्रीका लागि अन्र्तराष्ट्रिय प्रशारण लाइन निर्माणको प्रक्रिया अघि बढाएको बताए ।

बिआरआई अन्तर्गत चीनले दक्षिण एसियासँग बिद्युत प्रशारण लाइनमार्फत पनि जोडिन खोजेको उल्लेख गरे । चीनले तिब्बतमा ७ सय मेगावाट बिद्युत सोलारबाट उत्पादन गरिरेहेको बताउँदै तिब्बतमा सौर्य उर्जाको अत्यधिक सम्भावना रहेको बताए । यदि भारत र चीनबीच बिद्युत आदानप्रदान गर्ने अवस्था आउँदा नेपाल ट्रान्जिट बन्न सक्ने हुँदा नेपालको प्रशारण लाइन प्रयोगबाट समेत आर्थिक लाभ हासिल गर्न सक्ने उल्लेख गरे को रातोपाटिमा छ |

सार्क देशले १५ सय ६९ गिगावाट बिद्युत उपयोग गरिरहेको बताउँदै उनले चीन एक्लैको ६ हजार गिगावाट बिद्युत उपयोग गरिरहेको बताए । सार्क क्षेत्रको बिद्युत माग २ सय ११ गिगावाट रहेको र चीनको १२ सय गिगावाट बिद्युत माग रहेको बताउँदै उनले सार्क देशमा चीनले प्रयोग गरेको आधारमा १५ लाख मेगावाट बिद्युत माग रहेको उल्लेख गरे । सार्क क्षेत्र तथा चीन उद्योग तथा अन्य क्षेत्रमा विकासशील अवस्थामा रहेकोले बिद्युतको माग अत्यधिक रहेको उल्लेख गरे ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution