हेडलाईन

तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी         इजरायलमा सोनाम ल्होछार २८५९ भव्यताको साथ मनाउने तयारी         हिमाली क्षेत्रका लामा समुदाय तोतङरी ल्होसार मनाइँदै        

गणेश लामाको एक कलले खुल्यो सुन्दरीको नाटकीय प्रेमको रहस्य

काठमाडौं– ठगका हजार दाउ हुन्छन् भनेझैं प्रहरीलाई नै चकित पार्ने गरी एउटा ठगीको प्रयास भएको छ। प्रहरीको अनुसन्धान-प्रविधि दिन प्रतिदिन विकसित भइरहेको अवस्थामा ठगी गर्नेहरुले नयाँनयाँ तरिका अपनाउन थालेका छन्।

महानगरीय प्रहरी अपराध महाशाखाले ठगी प्रयास गर्ने एक जोडी युवक-युवतीलाई पक्राउ गरेपछि सो रहस्य खुलेको हो।

यसरी भयो ठगीको नाटकीय शैली

ललितपुरको कुपण्डोलमा बस्दै आएका एक व्यवसायी (शिव, नाम परिवर्तित) को फेसबुकमा जेठ अन्तिम साता एक युवतीको फ्रेन्ड रिक्वेस्ट आउँछ। निशा अधिकारी नामको उक्त प्रोफाइल एक सर्को हेरेर उनी एसेप्ट बटम थिच्छन्।

‘हाई!’ तत्काल निशाबाट शिवलाई म्यासेज आउँछ।

म्यासेन्जरमा सामान्य कुराकानी र चिनजान हुन्छ। यो क्रम दुई-तीन दिनसम्म चली नै रहन्छ।

सन्चो-बिसन्चोदेखि खाना खाएको/नखाएकोसम्म कुराकानी म्यासेन्जरमै हुन थाल्छन्। केही दिनको कुराकानीपछि दुई जनाबीच मित्रता प्रगाढ बन्दै जान्छ। परिचितझैं उनीहरुबीच गफ हुन थाल्छ।

म्यासेन्जरमै उनीहरुले मोबाइल नम्बरसमेत साटासाट गरिसकेका हुन्छन्। म्यासेन्जरको कुराकानी फोनबाट थप विस्तारित हुँदै जान्छ।

असार १ गते ती युवतीले फोनमा भन्छिन्, ‘तपाईंलाई अफिसमा भेट्न दिउँसो आउँछु। भेटेर कुराकानी गर्नुछ।’

नदेखे पनि परिचितझैं बनिसकेकी उनको प्रस्तावमा शिव नाइँनास्ती गर्दैनन्। अफिसको लोकेसन दिन्छन्। निशा त्यहीँ पुग्छिन्।

‘नाम- इन्दु। घर- झापाको बुधबारे,’ उनी यसरी परिचय दिँदै कुराकानीको सुरुवात गर्छिन्।

उनी नजानिँदो पाराले शिव बसेको नजिकै पुग्छिन्। सोफामा बसेका उनी इन्दुको मुलायम कुरामा पग्लिन थाल्छन्।

यतिन्जेलमा शिव-इन्दुको दुरी एक इन्चभन्दा कम भइसकेको हुन्छ। बिस्तारै शिवको आलिंगनमा सुन्दरी इन्दु कसिँदै जान्छिन्।

यही मौकामा शिवमाथि इन्दुले चुम्बन गर्छिन्। केही समय रोमान्स गरेपछि फेरि भेटौंला भन्दै उनी शिवको कोठाबाट बाहिरिन्छिन्।

सुन्दर युवतीको मायामा डुबिसकेका शिव उनकै कल्पनामा डुबिरहेका बेला अचानक नयाँ नम्बरबाट फोन आउँछ।

‘म गणेश लामा।’ यति परिचय दिनासाथ उनी थरर हुन्छन्।

‘इन्दुसँग अफिसमा रोमान्स गरेको भिडियो मसँग छ। एक करोड दिन भए दिनु। नत्र भिडियो युट्युब र फेसबुकमा अपलोड गरेर भाइरल बनाउँदै तेरो बेइज्जत गर्छु।’ गणेश नामक उक्त व्यक्तिले धम्क्याइपछि शिव छाँगाबाट खसेझैं हुन्छन्।

बल्ल थाहा पाउँछन्- इन्दुले मायाको नाटक गरेर चुम्बन गरेर भिडियो बनाएको।

त्यसपछि एक करोड रुपैयाँको बार्गेनिङ गर्दै दिनहुँजसो फोन आउन थालेपछि शिव प्रहरीकहाँ पुग्छन् र उजुरी गर्छन्।

उनको उजुरीकै आधारमा प्रहरीले चुम्बन गर्ने ती युवती र फोनबाट करोडको बार्गेनिङ गर्ने युवकलाई पक्राउ गरेको छ। ठग्नकै लागि युवा-युवतीले गलत नाम ठेगाना दिएको तथ्यसमेत प्रहरीले पत्ता लगाएको छ।

पक्राउ पर्नेमा निशा र इन्दु नाम बताउने पाँचथरको हिलिहाङ गाउँपालिका–४ की २५ वर्षीया इन्दिरा उप्रेती र गणेश लामा नाम बताउने गोरखाको पालुङटार नगरपालिका–८ का ३१ वर्षीय बद्रीनाथ लामिछाने छन्।

लामिछानेलाई महानगरीय प्रहरी अपराध महाशाखाको टोलीले मंगलबार बेलुका गौशालाबाट र उप्रेतीलाई बुधबार दिउँसो टेकुबाट पक्राउ गरिएको महानगरीय प्रहरी अपराध महाशाखाका एसपी नरेन्द्र उप्रेतीले बताए। उनीहरुलाई कारबाहीका लागि आजै महानगरीय प्रहरी परिसर ललितपुर पठाइएको अपराध महाशाखाले जनाएको छ। नेपाल  खबर |

८ कर्तिक २०७५






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution