हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

बौद्ध धर्मावलम्बी ‘अभिधम्म दिवस’ मनाउँदै

काठमाडौं, कात्तिक ७ । विश्वभरका बौद्ध धर्मावलम्बीहरुले बुधबार ‘अभिधम्म दिवस’ मनाइरहेका छन् ।

भगवान् गौतमबुद्धले आफ्नो जन्मदिने आमा मायादेवीको गुणलाई स्मरण गरी ‘तावंतिस देवलोक’मा गइ तीन महिनासम्म आमा र हजारौं देव ब्रह्महरुलाई अभिधम्म ज्ञान दिइ सकास्य (हाल भारतमा) फर्किएको सम्झनामा यो दिवस मनाइने गरिन्छ ।

बौद्धधर्मको चित्तसम्बन्धी गम्भीर दर्शनको प्रमुख शिक्षा भगवान् गौतम बुद्धले आमालाई दिएको बौद्धग्रन्थमा उल्लेख रहेको छ ।

अभिधम्ममा शुद्ध धर्मस्वरुप परमार्थ तत्वहरुको वर्णन छ । जसमा चित्त, चेतसिक, रुप र निर्वाण चार परमार्थ तत्व छन् ।

अभिधम्ममा धम्मसंगिणी, विभंग, धातुकथा, पुग्गल पञ्ञत्ति, कथावत्थु, यमक र पट्ठाण गरि सात भाग रहेको हुन्छ ।

यसदिन विश्वभरि नै चैत्य तथा विहार र महाविहार, गुम्बाहरूमा अभिधम्म सूत्र पाठसहित विशेष पूजाआजा र दीप प्रज्ज्वलन गरी दीपावलीसमेत गरिन्छ ।

प्रज्ञप्त र परमार्थ तत्व राम्रोगरी छुट्याउने ज्ञान दिनका लागि अभिधम्म सूत्र पाठ गरिन्छ ।

नेपालमा पनि आश्विन शुक्ल पूर्णिमाको आजको दिन कतिंपुन्हीकारुपमा ‘अभिधम्म दिवस’ मनाइन्छ ।

अस्थिधातु सर्वसाधारणका लागि सार्वजनिक

सोही अवसरमा बुधबारै ललितपुरको अक्षेश्वर महाविहारमा भगवान् गौतम बुद्धको पवित्र अस्थिधातु सर्वसाधारणको अवलोकनका लागि सार्वजनिक गरिएको छ ।

अस्थिधातुको विशेष पूजा गरी धारणी र अभिधम्मलगायतका पाठहरुसमेत गरिएको छ ।

बौद्धधर्मका मुख्य तीन ग्रन्थ सुत्त पिटक, विनय पिटक र अभिधम्म पिटक हुन् ।

प्रज्ञप्त भनेको अस्तित्वविहीन काम चलाउका लागि उच्चारण गरिने समुत्ति सत्य हो । त्यसको कुनै वास्तविक अस्तित्व हुँदैन । त्यसैले संसार केवल चित्त, चेतसिक र रुपको खेलमात्र हो भनिएको छ ।

सूक्ष्मरुपमा संसारलाई छर्लंग हुनेगरी देखाएकाले र सबैलाई देखाउने सामर्थ्य भएकाले गौतम बुद्ध सम्यक सम्बुद्धरुपमा आज विशेष पूजासमेत गरिन्छ ।

यसदिन स्वयम्भू महाचैत्य, बौद्धको खास्ती चैत्य र चारुमति विहार चैत्यलगायत नेपालभरिका चैत्यहरुमा महादीप दानसमेत गरिन्छ ।

यसैदिन विश्वभरका थेरवादी भिक्षुहरूको तीनमहिने वर्षावाससमेत सम्पन्न हुन्छ । साथै, विश्वभरका थेरवाद विहारहरुमा आजैदेखि एक महिना कथिन उत्सवसमेत सुरु भएको छ ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution