हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

भारतमा नेपालीको नक्कली नामबाट ५ करोडको इन्स्योरेन्स ! दलालको सेटिङमा दिल्लीको घर नै नामसारी

काठमाडौँ । पाँचखाल–७ होक्से, काभ्रेका प्रल्हाद सापकोटा असारदेखि २ पटक भारतको दिल्लीलगायतका विभिन्न स्थानमा पुगिसके । भदौको ११ गते मात्रै उनी दोस्रो पटक दिल्ली पुगेर फर्किएका छन् ।

प्रल्हाद मात्रै होइन, उनकै गाउँबाट यतिबेला ७ जना महिला र पुरुषलाई भारतको पन्जाब, दिल्ली, यूपीलगायतका स्थानमा लगिएका छन् ।

गाउँमै रहेका सुरज नाम गरेका एक दलालमार्फत् प्रल्हादलगायतका व्यक्तिहरू भारतको विभिन्न सहरमा पुगेका छन् । तर दलालले किन र के कामका लागि उनीहरूलाई भारत पुर्याइरहेका छन्, न जानेहरूलाई थाहा छ, न त दलालले नै सही कुरा भन्ने गरेका छन् ।

यस्तो छ दिल्ली कथा

पाँचखाल होक्सेका बासिन्दाहरू सामान्यतः आर्थिक रूपमा कमजोर छन् । आर्थिकरूपमा विपन्न भएपछि उनीहरूमाथि चलखेल गर्न सकिन्छ भन्ने दलालहरूले राम्रैसँग बुझेका छन् ।

लामो समय पन्जाब, दिल्लीलगायतका स्थानमा बसोबास गर्ने सुरज लामा भन्ने सुरज तामाङ गएको वैशाखमा एकाएक गाउँमा देखा परे । लामो समय भारतमा बसेका सुरजको हाइफाई राम्रै छ । उनै सुरजले लामो समयदेखि भारतका बैङ्कहरूमा काम गर्ने गरेको जानकारी गाउँलेहरूलाई दिए । तर भारतको बैङ्कमा के र कस्तो काम गर्ने भन्ने बारे भने सुरजले केही बताएनन् । मात्र ग्राहक खोज्ने एजेन्ट रहेको सुरजले गाउँलेसँग बताएका छन् ।

२० लाख भारतीय रूपैयाँको ‘ललिपप’

यिनै सुरजले होक्सेका गाउँलेहरूलाई भारतमा गएर बैङ्क खाता खालेर ऋण निकाले प्रतिव्यक्ति २० लाख भारतीय रूपैयाँ पाइने आश्वासन गाउँलेहरूलाई दिए । जाबो बैङ्कमा सामान्य खाता खोल्दा २० लाख भारतीय रूपैयाँ पाउने भए को पो जान चाहँदैन र ! सुरजसँग ७ जना मानिस बैङ्कमा खाता खोल्ने प्रयोजनका लागि दिल्ली लागे ।

सुरजले गाडीको बाटो हुँदै उनीहरूलाई दिल्ली पुर्याए ।

नेपाली नागरिकहरू दिल्ली गएर उतै बैङ्क खाता खोल्ने कुरा त्यति सहज विषय होइन । त्यसमाथि बैङ्कबाट ऋण निकाल्ने कुरा त झनै असम्भव जस्तै हो । तर पनि सुरजले यो सबै व्यवस्था हुने भन्दै होक्सेबाट ७ जना व्यक्तिलाई बैङ्कमा खाता खोल्ने भन्दै दिल्ली पुर्याए ।

पहिलो चरणमा मोहन भन्ने प्रल्हाद सापकोटा र उनकी श्रीमतीलाई सुरजले दिल्ली पुर्याए । उनीहरूको भारतीय परिचय पत्र, रासन कार्ड र प्यान कार्ड बनाइयो ।

तर भारतमा उनीहरूको आफ्नै नाममा यी सबै कागजपत्र बनाइएको छैन । बरु भारतीय ठेगाना राखेर भारतीय व्यक्तिकै नाममा राष्ट्रिय परिचयपत्र, रासनकार्ड तथा प्यान कार्ड तयार पारिएको छ । यो सबै काम गर्नका लागि पन्जाब, दिल्ली र यूपीमा दलालहरू तैनाथ रहेका छन् ।

यसरी खोलियो भारतीय बैङ्कमा खाता

प्रल्हादका अनुसार दलालहरूले उनको नाम हुकुम चन्द बनाइदिएका छन् । त्यही हुकुम चन्दको नामबाट दिल्लीको प्रतापबिहारमा रहेको एक बैङ्कमा पल्हादको खाता खोलिएको छ ।

उनलाई आफ्नो खाता खोलिएको बैङ्कको खास नाम थाहा छैन । यद्यपि बैङ्कको रङ हरियो रहेको भने प्रल्हाद बताउँछन् ।

दलालहरूले उनको जन्ममिति १९६५ जुन २६ बनाएका छन् । जन्ममिति अनुसार उनी यतिबेला ५३ वर्षका भए । तर उनलाई खासमा बैङ्कमा खाता खोल्ने र त्यसबाट ऋण निकाल्ने भनिएको रहेछ । भारतीय ठेगाना र भारतीयकै नाममा बैङ्क खाता खोल्ने भएकाले केही समस्या नपर्ने पनि उनलाई आश्वस्त पारिएको छ ।

दलालहरूको भनाइ र योजनाअनुरूप प्रल्हाद पहिलोपटक असारमा दिल्ली पुगे र त्यहाँको आधिकारिक कागजपत्र बनाएर बैङ्क खाता खोले अनि नेपाल फर्किए ।

यसबीचमा उनले बैङ्कले जारी गरेको चेकमा हस्ताक्षर गरेर सबै चेक दलाललाई नै फिर्ता दिएका छन् ।

त्यसको करिब ४५ दिनपछि उनी फेरि तिनै दलालको पछि लागेर दिल्ली पुगे ।

यसपटक उनलाई ऋण निकाल्नका लागि बोलाइएको थियो ।

यसपटक बैङ्कले प्रल्हादको औँठाछाप तथा आँखाको रेटिनाको नमुना पनि बैङ्कले राख्यो । त्योसँगै बैङ्कले प्रल्हादको फोटो पनि आफै खिचेर राख्यो ।

‘खासमा खाता खोल्नेबित्तिकै ऋण निकाल्न नमिल्ने रहेछ । त्यही भएर पहिले कागजात बनाएर खाता मात्रै खोलेको र अहिले ऋण लिएको रहेछ ।’ प्रल्हादले भने ।

दोस्रो पटक दिल्ली जाँदा प्रल्हाद करिब १ महिना बसे । खानपिन र बसाइमा उनलाई कुनै कसर बाँकी राखिएन । जे खान्छन् खान दिइयो ।

बैङ्कमा दलालको सेटिङ, दिल्लीको घर नै नामसारी

बैङ्कमा खाता खोल्ने र ऋण लिने प्रक्रियाका लागि प्रल्हादको नाममा दिल्लीको एउटा घर नै नामसारी गरिएको छ । पल्हादका अनुसार दिल्लीको प्रतापबिहारमा रहेको एउटा ठूलो घर उनको नाममा नामसारी गरिएको छ । तर उक्त घरको कुनै कागजपत्र उनीसँग छैन ।

त्यति मात्रै होइन, जुन नाममा उनको कागजपत्र बनाइएको छ, ती कागजहरू पनि प्रल्हादसँग छैनन् भने उनको हकदार पनि एक भारतीय नागरिकलाई नै बनाइएको छ ।

बैङ्कमा ऋण लिनका लागि जाँदा उनको घाँटीमा ‘नेकब्रेस’ लगाइयो, त्यो पनि दलालको डिजाइनअनुसार । अनि भनियो, घाँटीको अप्रेसन गरेको कारण डाक्टरले नबोल्नु भनेका छन् । बैङ्कमा रहेका व्यक्तिहरूले सोधेको प्रश्नको उत्तर उनले इसाराले दिए र मात्र एउटा सामान्य हस्ताक्षर गरियो । त्यसपछि उनको ‘लोन’ पास भयो ।

यो कति वर्षको कस्तो ‘लोन’ हो प्रल्हादलाई थाहा छैन । तर प्रल्हादलाई यति थाहा छ कि त्यही लोनका माध्यमबाट दलालहरूले टीभी, फ्रिज, इन्भर्टरलगायतका घरायसी वस्तु किनिसकेका छन् । त्यसबाहेक लगत्तै गाडी पनि किन्ने योजना दलालको रहेको प्रल्हाद बताउँछन् । यो कुराकानी तयार पार्दासम्म (असोज ६) सायद गाडी पनि किनिसकेको हुनसक्ने प्रल्हाद बताउँछन् ।

इन्स्योरेन्सकै लागि वार्षिक २ लाख रूपैयाँ

लोन लिएसँगै प्रल्हादको भारतमै इन्स्योरेन्ससमेत गरिएको छ । प्रल्हादको अनुसार लोन लिएकै समयमा इन्स्योरेन्सका लागि भन्दै २ लाख भारतीय रूपैयाँ प्रिमियमस्वरूप तिरिएको छ । यो म्यादी जीवन बिमा हो कि कस्तो प्रकृतिको बिमा हो प्रल्हादलाई थाहा छैन । सामान्य लेखपढ मात्र गर्न जानेका प्रल्हादलाई त्यसबारे थप केही जानकारी छैन । यदि म्यादी जीन बिमा हो भने वार्षिक २ लाख रूपैयाँको भारतमा करिब ५ करोड बराबरको इन्सुरेन्स गर्न सकिन्छ ।

नेपाली नागरिकलाई भारतीय नागरिक बनाई इन्स्योरेन्स गराए पनि त्यसको हकदार भारतीय नागरिक नै बनाइएको छ । हुकुम चन्द उर्फ प्रल्हादको भारतमै छोरा र बुवासमेत बनाइएको छ । यदि उनलाई केही भएमा वा कुनै कारणवस उनको मृत्यु भएमा इन्स्योरेन्स क्लेम गर्नका लागि भारतमै दलालहरू तैनाथ रहेका छन् ।

२० लाख दिन्छु भने पनि कत्ति नि दिएनन्

प्रल्हादलाई नेपालबाट भारत लैजाने क्रममा बैङ्कमा खाता खोलेर ऋण लिएपछि २० लाख भारतीय रूपैयाँ दिने भनिएको थियो । तर प्रल्हाद दुई पटक दिल्ली पुगेर आइसके पनि अहिलेसम्म १० हजार पनि पाएका छैनन् । तर नेपालबाट जाँदा र आउँदा लाग्ने खर्च तथा राम्रो कपडा, चस्मा, जुत्तालगायतका वस्तु भने दलालले नै किनेर दिएका छन् । प्रल्हाद भन्छन्, ‘खै मलाई पनि अब त गडबढ लाग्न थालेको छ । पैसा पाउनेभन्दा पनि ज्यानकै खतरा देख्न थालेको छु ।’

५० कटेपछि ऋण लिन कठिन

भारतमा बैङ्कबाट ऋण लिनका लागि अधिकांश बैङ्कहरूको अधिकतम उमेर ५० वर्ष हो । ५० सम्मका व्यक्तिहरूले बैङ्कबाट ऋण लिन सक्छन् भने सकेसम्म यस्ता ऋण ६० वर्ष पुग्दासम्म तिरिसक्नुपर्ने व्यवस्था छ । केही बैङ्कहरूले नियमित पेन्सन वा आम्दानी छ भने ६५ वर्षसम्म ऋण तिर्न सक्ने गरी पोलिसी बनाए पनि अधिकांश बैङ्कहरूले भने ६० वर्ष पुग्दा सबै ऋण तिरिसक्नुपर्ने गरी आफ्नो नीति बनाएका छन् ।

यस्तो अवस्थामा भारतमा ऋण लिनका लागि अधिकतम उमेर भनेको ५० वर्ष मात्रै हो । यस्तो अवस्थामा नेपालबाट किन अधबैंसे उमेरका व्यक्तिहरूलाई भारत पुर्याइँदैछ र बैङ्कमा खाता खोल्दै इन्स्योरेन्स गरिँदै छ । यसको खास कारण खुल्न सकेको छैन ।

किन खोलियो खाता ? किन गरियो इन्स्योरेन्स ?

अहिले नेपाली नागरिकहरूलाई भारतमा पुर्याएर धमाधम खाता खोलिँदै छ । दुई पटक भारत पुगेर भारतीय नागरिकता बनाई बैङ्कमा खातासमेत खोलेर फर्किएका प्रल्हादका अनुसार दलालले एकै गाउँबाट अहिले नै ८ जना व्यक्तिलाई भारत पुर्याएर नक्कली कागजात खडा गरी नक्कली हकवाला बनाएर बैङ्कमा खाता खोलिएको छ । अब चाँडै नै थप २० जना नेपालीहरूलाई नक्कली कागजात बनाएर बैङ्कमा खाता खोल्ने प्रक्रियामा लागि भारत लगिने तयारी भइरहेको छ ।

खासमा यो खाता बैङ्किङ प्रयोजनका लागि मात्रै भन्दा पनि इन्सुरेन्स गर्ने नियतका साथ खोलिएको बुझ्न सकिन्छ । दलालले बैङ्कबाट ऋण लिने प्रयोजनका लागि भने पनि ५० कटिसेकका व्यक्तिको पनि बैङ्कमा खाता खोल्नुको कारण रहस्यमय छ । बैङ्कमा खाता खोलेपछि इन्स्योरेन्स गर्न सजिलो हुने भएकाले प्रतिव्यक्ति करिब ५ करोडको इन्स्योरेन्स पोलिसी बनाइएको छ । यसले बैङ्किङ फ्रड मात्रै भन्दा पनि अरू ठूलै योजना र दुर्घटनाको सङ्केत गरिरहेको रातोपाटीमा छ ।

बैङ्किङ फ्रड त्यति सम्भव छैन

भारतमा बैङ्किङ फ्रड त्यति सहज छैन । अहिले नेपालबाट धमाधम नेपालीहरू भारत लगिनुमा अरू कुनै षडयन्त्र वा दुर्घटनाको सङ्केत गरिरहेको छ । किनभने न कुनै नेपालीको त्यहाँ न सक्कली नाम छ, न सकक्ली ठेगाना छ । न त हकवाला वा नोमिनीमा कुनै आफन्तको नाम नै छ । यी सबै प्रपञ्च हेर्दा मात्र दुई कारण देखिन्छ, कुनै मृत्यु भएको व्यक्तिको नाममा खाता खोल्ने र त्यही खाता मार्फत् सम्पत्ति आफूमा हत्याउने वा त नेपाली नागरिकलाई भारतीय बनाई इन्सुरेन्स गराउने र केही भएमा त्यसको हकवाला भारतीय नै राखी इन्स्योरेन्स क्लेम गर्ने । क्षीण सम्भावना रहेको तेस्रो कारण भनेको भारतीय नागरिकको कालो धनलाई सेतो बनाउने कामका लागि प्रयोग गर्ने र तेस्रो व्यक्तिका नाममा खाता सञ्चालन गर्ने । तर तेस्रो सम्भावना ज्यादै कम छ । किनभने तेस्रो कामका लागि न बैङ्कबाट ऋण लिनुपर्छ, न त इन्स्योरेन्स नै गराउनुपर्छ । त्यसकारण जसरी नेपालबाट बैङ्कमा खाता खोल्ने र त्यसबापत २० लाख भारतीय रूपैयाँ दिने भनिएको छ, त्यहाँ धेरै षडयन्त्रको सङ्केत देखिन्छ ।






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution