हेडलाईन

शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी        

इमेज अवार्ड:कुलमान घिसिङ ‘बेस्ट पर्सनालिटी अफ दी इयर’बाट सम्मानित

काठमाडौं, असोज २० । इमेज अवार्डको २०औं संस्करणमा नेपाल विद्युत् प्राधिकरणका कार्यकारी निर्देशक कुलमान घिसिङ ‘बेस्ट पर्सनालिटी अफ दी इयर’बाट सम्मानित भएका छन् ।

रातपछि दिन अनि अँध्यारोपछि उज्यालो प्राकृतिक नियम हो । नेपालीहरु पनि लामो रात बिताइरहेका थिए, उज्यालो दिनको पर्खाइमा । लामो । धेरै लामो रात ।

उज्यालो दिने सरकारी संस्थान नेपाल विद्युत् प्राधिकरण धिपधिपे बत्ती निभाउने तालिका बनाउनमै व्यस्त थियो ।

धेरै कार्यकारी आए । दैनिक १२, १४, १८ घन्टासम्मको लोडसेडिङको तालिका दिएर गए । तर, अचानक ! २०७३ सालको लक्ष्मीपूजाको रात पूरै काठमाडौं उज्यालो बन्यो । बत्तीहरुको चाड तिहार साँच्चैको झिलिमिली रह्यो ।

कारण थियो, प्राधिकरणमा दुई महिनाअघिमात्र नयाँ कार्यकारी निर्देशकले कमान्ड सम्हाल्नु ।

प्राधिकरणकै ११ तहका कर्मचारी खुला प्रतिस्पर्धाबाट २०७३ भदौमा कार्यकारी निर्देशक नियुक्त भएसँगै यो सम्भव भएको थियो । र, उनी थिए कुलमान घिसिङ ।

‘कुहिरोका काग’ हामी नेपालीलाई घिसिङको उद्घोष हास्यास्पद लाग्नु अस्वाभाविक थिएन । तर, आश्चर्य ! असंख्य चुनौतीका बाबजुद् २०७३ कात्तिक १४ गतेको लक्ष्मीपूजाको रात कठमाडौंबाट लोडसेडिङमुक्त गर्ने कार्यको परीक्षण गरिएको थियो । जुन चमत्कारिकरुपमा सफल भयो ।

उक्त परीक्षण सफल भएको आधारमा २०७३ चैत १ गतेदेखि देशव्यापीरुपमा लोडसेडिङ अन्त्य गर्न घिसिङ सफल भए ।

मुलुकले वर्षौंदेखि भोग्दै आएको लोडसेडिङको समस्याले आम सर्वसाधारण, औद्योगिक, सन्चार र अन्य सेवा प्रदायक क्षेत्र प्रत्यक्ष प्रभावित हुँदै आइरहेको थियो ।

यस्तो अवस्थामा आफ्नो कार्यकालको छोटो समयमा नै ‘जादुमयी’ क्षमताबाट लोडसेडिङको प्राविधिकरुपमा अन्त्य गर्दै घिसिङले उज्यालोमात्र दिएनन्, ‘कोमा’मा पुगेसरहका उद्योग, व्यापार, व्यवसाय, कलकारखानालाई जोगाउँदै सम्भावनाको ढोकासमेत खोलिदिए ।

२०२७ साल मंसिरमा रामेछापको दुर्गम गाउँ बेथानमा जन्मिएका घिसिङले प्राथमिक शिक्षा गाउँमै र उच्चशिक्षा काठमाडौंबाट हासिल गरेका हुन् ।

छात्रवृत्तिमा भारतबाट इलेक्ट्रिकल इन्जिनियरिङ गरेका उनले पावर सिस्टम इन्जिनियरिङमा मास्टर्स र पोखरा विश्वविद्यालयबाट ‘इएमबीए’ गरेका छन् ।

२०५१ मा विद्युत प्राधिकरण सातौं तहका इन्जिनियर भएका घिसिङ त्यतिखेरै रसुवाको चिलिमे जलविद्युत् परियोजनाको कार्यकारी निर्देशक भए ।

चिलिमेको सेयर स्थानीयलाई बाँडेर जलविद्युत् कम्पनीहरुले स्थानीयलाई सेयर दिनुपर्ने परिपाटी बसालेको जस पनि उनैलाई जान्छ ।

कुशल व्यवस्थापकीय क्षमता प्रस्तुत् गरेर लोडसेडिङ अन्त्य गर्न सफल घिसिङ चुहावट नियन्त्रणमासमेत अदम्य साहस र आँटका साथ उल्लेख्य भूमिका खेलेर वर्षौंदेखि घाटामा रहँदै आएको प्राधिकरणलाई नाफामा लानसमेत सफल भए ।

वार्षिक करिब ९ अर्ब रुपैयाँ घाटामा रहेको संस्थालाई जिम्मेवारी सम्हालेकै वर्ष नाफामा लान सफल घिसिङकै नेतृत्वमा प्राधिकरण आर्थिक वर्ष २०७४/७५ मा एक अर्ब खुद नाफा कमाइ विद्युत् चुहावट हालसम्मकै न्यून २० प्रतिशतमा झार्न सफल भएको छ ।

वर्षौंदेखि लोडसेडिङको मारले थिचिएका नेपालीमाझ उज्यालो प्रवाह गरी ऊर्जा क्षेत्रमा पद्दति बसालेर समृद्धिको मार्गप्रशस्त गरेका घिसिङ आज जनजनको मनमा बस्न सफल भएका छन् ।

थुप्रै संघ–संस्थाबाट सम्मानित उनी हालै ‘सुप्रबल जनसेवा श्री’बाटसमेत सम्मानित भएका छन् ।

 –रमेश ढकाल/देवेन्द्र महर्जन (इमेज)






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution