हेडलाईन

तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी         इजरायलमा सोनाम ल्होछार २८५९ भव्यताको साथ मनाउने तयारी         हिमाली क्षेत्रका लामा समुदाय तोतङरी ल्होसार मनाइँदै        

म माथि के भयो भनेर संसारलाई सुनाउन चाहन्थेँ – नोबेल बिजेता नादियाको कथा

यस वर्षको नोबेल शान्ति पुरस्कार पाएकी २५ वर्षीया नादिया मुरादको कथा दर्दनाक छ । उनी चरमपन्थी संगठन इस्लामिक स्टेटका लडाकूहरुबाट बलात्कृत मात्रै भइनन् चरम यातना समेत भोगिन् । मुराद याजिदी समुदायकी महिला हुन् ।

याजिदी भनेको कुर्दहरुको एक उपसमुदाय हो । कतिपयले यसलाई इस्लामी सुफी मान्यता र केही इसाई विश्वासको समिश्रण पनि मान्छन् । याजिदीहरु खासगरी पश्चिमी इराकको सिन्जा क्षेत्रमा बस्छन् ।

नादिया मुराद सन् २०१४ मा चरमपन्थी इस्लामिक स्टेटको अपहरणमा परिन् र तीन महिनासम्म राखेर उनलाई लडाकूहरुले बलात्कार गरे । उनी त्यसबेला ६ कक्षामा पढ्थिन् ।

इस्लामिक स्टेट आउनुभन्दा अघि उनी आमा र भाईबहिनीसँग उत्तरी इराकको शिन्जा नजिकै रहेको कोचु गाउँमा बस्थिन्, जुन गाउँका अधिकांश मानिसहरु खेतीकिसानी गरेर आफ्नो जिविका चलाउँछन् ।

आईएसको कब्जाबाट बाहिर आएपछि उनले आफ्नो कहानी बीबीसीको एक कार्यक्रममा पोखिन् । जहाँ उनले भनिन् ः– हाम्रो गाउँमा करिब १ हजार ७ सय जना बस्छन् ।

हामीलाई आईएसले आक्रमण गर्दैछ भन्ने कुनै जानकारी थिएन । ३ अगस्ट, २०१४ को कुरा हो, जब आईएसले याजिदीहरुमाथि हमला गरे, तब केही मानिसहरु भागेर शिन्जातर्फ भागे ।

तर हाम्रा गाउँ धेरै टाढा थियो र हामी कही भागेर जाने अवस्था नै थिएन । हामीलाई ३ देखि १५ अगस्टसम्म बन्धक बनाएर राखियो । त्यतिबेला तीन हजारभन्दा बढीलाई आईएसले हत्या गरेको र करिब ५ हजार महिला तथा बालबालिकालाई आफ्नो कब्जामा लिएको खबरहरु आउँथे ।

त्यसबेलासम्म हामीलाई अबको अवस्थाबारे करिब करिब जानकारी भइसकेको थियो । यसै क्रममा चरमपन्थी आए र हामीलाई कब्जामा थिए । हामी केही गर्न सक्दैन थियौं । हामीलाई २ दिनभित्र धर्म परिवर्तन गर्न चेतावनी दिइयो ।

१५ अगस्टमा म आफ्नो परिवारसँगै थिए । हामी धेरै डराएका थियौं । किनकि हाम्रा अघि जे भइरहेको थियो, त्यसबाट हामी डराइसकेका थियौं । त्यो दिन आईएसका करिब १ हजार लडाकू गाउँमा घुसे । हामीलाई स्कुलमा लगे ।

एउटा भवनमा पुरुषलाई राखे र अर्कोमा महिला र बच्चाहरुलाई राखियो । हामीसँग भएका सबै सामान पनि लुटे । हाम्रो मोबाइल, पर्स, पैसा, सबैथोक लगेपछि उनीहरुका नेताले हामीलाई ठूलो स्वरमा कराएर इस्लाम धर्म कबुल गर्न चाहेनेहरु कोठा छाडेर जान आदेश दिए ।

हामीलाई कोठा छाडेर गयो भने मार्छन् भन्ने थाहा थियो, किनकि उनीहरु इस्लाम कबुल्ने यजिदीलाई असली मुस्लिम होइन भन्ने ठान्थे । उनीहरु यजिदीलाई इस्लाम कबुल गराएर मार्न चाहन्थे । महिला हुनुका नाताले हामीलाई मार्दैनन् बरु हामीलाई अरु नै काममा प्रयोग गर्छन् भन्ने हामीलाई लागेको थियो ।

जब पुरुषहरुलाई बाहिर लगिदै थियो, तब हामीलाई के भइरहेको छ भन्ने थाहा भएन तर त्यहाँ हामीले गोली चलेको आवाज सुन्यौं । को को मारिएका छन् भन्ने हामीलाई थाहा थिएन, मेरा भाई र अरु मानिसहरु त्यहाँ मारिएका थिए ।

उनीहरुले बच्चा, जवान र बुढाहरु केही हेरेनन् । हामीले सबैलाई गाउँभन्दा बाहिर लगेको देख्यौं । लडाकूले एक जनालाई स्कुलमा छाडे । उनले बताएअनुसार लडाकुले कसैलाई पनि छाडेनन्, सबैलाई मारिदिए ।

सबैलाई मारिसकेपछि उनीहरुलाई हामीलाई अर्को गाउँमा लगे । त्यतिबेला रात परिसकेको थियो । त्यहाँ पनि हामीलाई स्कुलमा राखे र हामीलाई ३ वटा समूहमा विभाजन गरे । पहिलो समूहमा युवा महिला, दोस्रोमा बच्चा र तेस्रोमा बाँकी महिलाहरु थिए ।

सबै समूहका लागि उनीहरुको अलग योजना थियो । बच्चालाई उनीहरुले प्रशिक्षण शिविरमा लिएर गए । जुन महिलालाई उनीहरुले विवाहका लागि योग्य ठानेनन्, उनीहरुको हत्या गरे, जसमा मेरी आमा पनि थिइन् ।

राति हामीलाई मोसुल लगे । हामीलाई त्यहाँ लिएर जानेहरु मेरै भाइहरु र आमाका हत्याराहरु थिए । उनीहरुले हामीमाथि शोषण र बलात्कार गरिरहेका थिए । म केही पनि सोच्न सक्ने अवस्थामा थिइनँ ।

उनीहरुले हामीलाई मोसुलको इस्लामिक अदालतमा लगे । जहाँ उनीहरुले हरेक महिलाको फोटो खिचे । त्यहाँ हजारौं महिलाको तस्बिर देख्न सकिन्थ्यो । हरेक तस्बिरसँग फोन नम्बर हुन्थ्यो । त्यो फोन नम्बर त्यो लडाकुको हुन्थ्यो, जो महिलाका लागि जिम्मेवार थियो ।

सबै क्षेत्रका आईएस लडाकू इस्लामिक अदालतमा आउँथे र फोटो हेरेर आफ्ना लागि युवती छान्थे । युवती छानेपछि लडाकूहरु ति युवती ल्याउने लडाकूसँग मोलमोलाई गर्दथे । उसले चाहेमा महिलालाई बेच्न, भाडामा दिन वा चिनजानको कसैलाई उपहार दिन पनि सक्थ्यो ।

पहिलो रात हामीलाई लडाकूसँग पठाइयो । धेरै मोटो लडाकू थियो, जो मलाई चाहनथ्यो । म भने उसलाई घृणा गर्दथेँ । जब म सेन्टरमा गएँ, तब म भुईमा थिएँ । मैले उसका खुट्टा देखेँ र उसका सामू जान्न भनेर धेरै नै अड्डी कसेँ, तर उसले मेरो कुरा सुनेन ।

एक हप्तापछि मैले भाग्ने कोशिस गरेँ । उनीहरुले मलाई अदालतमा लगे र सजायका रुपमा ६ जना सुरक्षा गार्डले बलात्कार गरे । तीन महिनासम्म म माथि यौन शोषण भइरह्यो ।

यो इलाकामा चारैतिर आईएस लडाकू फैलिएका थिए । तीन महिनासम्म मैले भाग्ने मौका पाइनँ । एकपटक म एक पुरुषको साथमा थिएँ । उ मेरा लागि केही कपडा किनिदिन चाहन्थ्यो, किनकि उसको उद्देश्य मलाई बेचिदिने थियो ।

जब उ पसलमा गयो, त्यसबेला म घरमा एक्लै थिएँ र त्यहाँबाट भागेँ । मोसुलका गल्लीहरुमा भागिरहेका बेला मैले एउटा मुस्लिम परिवारको ढोका ढक्ढक्याएँ र म माथि भएको सबै उत्पीडनबारे सुनाए ।

उनीहरुले मलाई सहयोग गरे र कुर्दिस्तानको सीमासम्म प¥याउँन सहयोग गरे । शरणार्थी शिविरमा कसैले मेरो पीडा सोधेनन् । म संसारलाई म माथि के भयो र त्यहाँ महिलाहरुमाथि के भइरहेको छ भनेर सुनाउन चाहन्थेँ । म सँग पासपोर्ट थिएन, नागरिकता पनि थिएन । म आफ्नो कागजपत्र पाउन कैयौं महिनासम्म इराकमा बसिरहेँ ।

त्यही समय जर्मन सरकारले त्यहाँका १ हजार मानिसहरुलाई सहयोग गर्ने निर्णय ग¥यो । त्यसमध्ये म एक जना थिएँ । फेरि आफ्नो उपचार गराउने क्रममा एक संगठनले मलाई संयुक्त राष्ट्रसंघमा गएर आफ्नो दुःख पीडा सुनाउन भन्यो । म यो कहानी सुनाउन विश्वको कुनै पनि देशमा जान तयार छु ।

३ अगस्टमा बन्धक बनाइएकी उनी नोभेम्बर २०१४ सम्म मोसुलमा बन्धक बनिन् र भाग्न सफल भइन् । त्यहाँबाट निस्किएपछि उनले यजिदीहरुको मुक्ति र मानव तस्करी रोक्ने अभियान सुरु गरिन् ।

यस्ता दुव्र्यवहार संगठित रुपमा भएका थिए । उनीलगायत ३ हजारभन्दा बढी यजिदी महिलाहरुलाई आईएसले बन्धक बनाएर यातना दिनका साथै बलात्कार गरेका थिए । मुराद २३ वर्षको उमेरमा सन् २०१६ मा मानवतस्करीबाट जोगिएका व्यक्तिको आत्मसम्मानका लागि संयुक्त राष्ट्रसंघकी सद्भावना दूत बनिन् ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution