चितवनमा घेदुङको ताम्सालिङ जागरण अभियान, स्थानिय तहमा कमिटि बनाइदै
राजेश रुम्बा तामाङ ।चितवन, भाद्र ४ । नेपाल तामाङ घेदुङले ३ नं. प्रदेशको हरेक जिल्लाहरुमा ताम्सालिङ जागरण अभियान सुरु गरेको छ । यसैअन्तर्गत चितवनका विभिन्न ७ स्थानिय तहमा पनि घेदुङको स्थानिय संगठन निर्माण गर्ने तयारी तिव्र पारिएको छ ।
हरेक स्थानिय तहमा घेदुङको कमिटि गठन गर्ने र तामाङ समुदायलाई एकताको सुत्रमा बाध्ने उद्धेश्यअनुरुप जिल्लाका हरेक स्थानिय तहमा घेदुङको कमिटि गठन गर्न लागिएको घेदुङका संघीय सदस्य तथा जिल्ला इन्चार्ज गोमनसिह रुम्बाले जानकारी दिनुभयो । तामाङ समुदायको भाषा, संस्कृति तथा पहिचान जोगाउन संगठित हुनु आवश्यक रहेको बताउदै उहाँले विभिन्न राजनितिक तथा समाजिक लडाईमा पनि घेदुङले सकरात्मक भुमिका खेल्ने बताउनुभयो ।
चितवनमा असोज ५ र ६ गते विभिन्न स्थानिय तहमा घेदुङको नयाँ कमिटि निर्माण गर्ने तय भएको जिल्ला अध्यक्ष गोपिराज घलानले जानकारी दिनुभयो । असोज ५ गते भरतपुर महानगरपालिकामा महानगरस्तरिय कमिटि निर्माण गरिने र असोज ६ गते रत्ननगर नगरपालिका, कालिका नगरपालिका र इच्छाकामना गाउपालिकामा नगर कमिटि गठन गरिने उहाँले बताउनुभयो । त्यसका लागि संघिय सचिव, विभिन्न विभाग प्रमुख लगायत पदाधिकारीहरुलाई जिम्मेवारी दिइएको छ ।
यसैबीच कमिटि गठनका लागि स्थानिय तहका तामाङ अगुवाहरुले तयारी तिव्र पारेका छन । भरतपुर महानगर तथा अन्य नगरपालिकाहरुमा भेला आयोजक कमिटि बनाएर भेलाको तयारी भइरहेको जिल्ला अध्यक्ष घलानको भनाई छ । हाल नगरस्तरिय कमिटि गठन गरिने र सोहि कमिटिको सक्रियतामा विभिन्न वडास्तरिय कमिटि निर्माण गरिने घेदुङका ३ नं. प्रदेश सदस्य शमशेर लामाको भनाई छ । यसरी ३ नं. प्रदेशमा १ सयभन्दा बढि कमिटिहरु निर्माण हुने लामाले जानकारी दिए । प्रदेशमा ताम्सालङि जागराण अभियानअन्तर्गत असोज महिनाभित्र हरेक जिल्लाको स्थानिय तहमा कमिटि निर्माण गरिने र कातिकबाट विभिन्न चरणमा जागरण सभा, प्रशिक्षण संगै अभियानबाट प्राप्त उपलब्धिबारे समेत छलफल हुनेछ । जिल्लाको राप्ती नगरपालिकाका विभिन्न वडामा भने कमिटि गठनको काम भइरहेको राप्ती नगरपालिका इन्चार्ज दिलकुमारी थिङले जानकारी दिुनभयो । खैरहनी नगरपालिका र माडि नगरपालिकामा भने केहि समयपछि संगठन निर्माण गरिनेछ ।