विद्युत चुहावट पूर्ण नियन्त्रण हुने घिसिङको दाबी
चालु आर्थिक वर्षको २ महिनामा ५ प्रतिशतले विद्युत चुहावट नियन्त्रण भएको छ।
नेपाल विद्युत प्राधिकरणका कार्यकारी निर्देशक कुलमान घिसिङले चालु आर्थिक वर्षको पहिलो महिना गत साउनमा २ प्रतिशतले चुहावट नियन्त्रण भएको र दोस्रो महिना भदौमा ३ प्रतिशतले चुहावट हटेको जानकारी दिए।
कार्यकारी निर्देशक घिसिङले प्राधिकरणले चोरी नियन्त्रण, महसुल बक्यौता असुलीमा कडाई, प्राविधिक चुहावट घटाउने, ट्रान्सफर्मर तथा वितरण लाइनको सुदृढीकरण लगायतका काम अभियानकै रुपमा चलाइरहेकोले चुहावट नियन्त्रणमा सहज भएको बताए।
केही स्थानमा विद्युत प्राधिकरणका कर्मचारीकै कारण पनि विद्युत चुहावट हुने गरेको आरोप लागेका स्थानमा आफै पुगेर निगरानी बढाएकाले नियन्त्रणमा कडाई भएको उनको भनाई छ। उनले चालु आर्थिक वर्षमा विद्युत चुहावट पूर्ण रुपमा नियन्त्रण हुने गरी कार्य गरेको दाबी गरे।
घिसिङका अनुसार पछिल्ला ३ वर्षमा विद्युत चुहावट ५ दशमलब ७२ प्रतिशतले न्यूनिकरण भएको छ। गत आर्थिक वर्ष २०७४/७५ को असार मसान्तसम्म २३ प्रतिशतले विद्युत चुहावट नियन्त्रण भएको छ। अघिल्लो आर्थिक वर्षमा प्रणालीमा रहेको चुहावटलाई २० दशमलब ६ प्रतिशतबाट वृद्धि हुन नदिने अभियान लिएको भएपनि प्राधिकरणलाई केही गाह्ये प-यो। यो अघिल्लो आर्थिक वर्ष २०७३/७४ को भन्दा शुन्य दशमलब १ प्रतिशत बढी चुहावट हो।
कार्यकारी निर्देशक घिसिङले आर्थिक वर्ष २०७२/७३ मा २५ दशमलब ७८ प्रतिशत चुहावट नियन्त्रण भएको जानकारी दिए। उनका अनुसार प्राधिकरणले चोरी नियन्त्रणलाई प्रभावकारीका साथै परिणाममुखी बनाउन गत जेठको अन्त्यमा ऊर्जा जलस्रोत तथा सिंचाई मन्त्रालय र गृह मन्त्रालयका पदाधिकारीसँग बैठक बसेर योजनाहरु तयार पारेकाले यस आर्थिक वर्षमा पूर्ण रुपमा नियन्त्रण हुनेछ।
प्रत्येक जिल्लाका जिल्ला प्रशासन कार्यालय र विद्युत प्राधिकरणका शाखा कार्यालयले समन्वयन गरी संयुक्त रुपमा कार्ययोजना तयार गरेकाले चालु आर्थिक वर्षमा पूर्ण रुपमा विद्युत चुहावट नियन्त्रण हुने घिसिङको भनाई छ।
प्राधिकरणको भनाईसँगै विद्युत चोरीका साथै प्राविधिक चुहावट नियन्त्रण गर्न लागेको विद्युत प्राधिकरणले कार्य पूरा गरेरै छाड्छ त त्यो भने हेर्न बाँकी नै छ। आर्थिक वर्षको बाँकी १० महिनामा चुहावट नियन्त्रणका साथै प्रबन्ध निर्देशकले बोलेका काम पूरा हुन्छ की?
नेपालखबर