राष्ट्रिय बाल दिबसमा आयोजित राष्ट्रिय बाल दिबस -२०७५ को ललितपुर जिल्ला,कोन्ज्योसोम गाउँपालिकाका अध्यक्ष गोपिलाल सिङतान तामाङद्रारा मैनबत्ती बालेर एक भब्य समारोहका बिच उदघाटन गर्नुहुदै कोन्ज्योसोम गाउँपालिका छिट्टै बालमैत्री गाउँपालिका घोषणा गर्न लागिएको बताउनु भयो ।

प्रमुख अतिथी एबम गाउँपालिकाका अध्यक्ष सिङतानले एकीकृत अखिल नेपाल शिक्षक सङ्गठनका पुर्ब उपाध्यक्ष बिजय बानियाँलाई सम्मान पत्र र बिद्यालयमा शिक्षण पूरा गरि बिधाई हुनुहुने शिक्षिकाहरु शर्मिला लोप्चन ,सरिता गोले,मुना तामाङ ,बालकुमारी सुबेदिलाई कदर पत्र प्रदान गर्नु भएको छ ।

बिद्यालयका विद्यार्थी सुनमाया तामाङले स्वागत गर्नु भएको कार्यक्रममा बिद्यालयका विद्यार्थीहरुको नृत्य त्यस्मा पनि चौरी चर्ने लेकैमा,गाई त चर्ने बेसिमा भन्ने तामाङ सेलोमा विद्यार्थीहरुले नृत्य गर्दा कार्यक्रमको रौनकता झन छाएको थियो । त्यस्तै गरि एकीकृत अखिल नेपाल शिक्षक सङ्गठनका पुर्बउपाध्यक्ष बिजय बानियाँले भौतिक रुपमा बिद्यालयले छालाङ मारेपनी शिक्षण पद्धतिमा अझ परिमार्जित गर्दै शिक्षाको गुणस्तरमा वृद्धि गर्न सके अझ राम्रो हुने सुझाब दिनु भयो ।

कार्यक्रममा सन्चारकर्मी श्याम तामाङ ,भारदेउ श्रोत केन्द्र श्रोत ब्यक्ती ढकबहादुर कार्की ,एकीकृत अखिल नेपाल शिक्षक सङ्गठन ललितपुर सचिब लेखानाथ घिमिरे ,नेपाल कम्युनिष्ट पार्टी नेकपाका युवा नेता महेश लामा,श्री गुप्तेश्वर आधारभुत बिद्यालयका प्र.अ.प्रेमबहादुर नेपाली ,नेपाली काङ्ग्रेस प्रतिनिधि जीवन लामा,राप्रपा नेपालका प्रतिनिधि मानबहादुर तामाङ लगायतले राष्ट्रिय बाल दिबस र विद्यालयको सवालमा जोड दिनु भएको थियो ।

कार्यक्रमको बिच बिचमा विद्यालयका विद्यार्थीहरुको नृत्य र विद्यालयका शिक्षिका एबम कार्यक्रम सन्चालिका हिरामाया घिसिङ तामाङको कबिता बाचनले कार्यक्रम माझ थप उत्साह थपेको थियो भने उत्साहजनक सहभागिता रहेको कार्यक्रम श्री गुप्तेश्वर आधारभुत विद्यालय ,विद्यालय ब्यवस्थापन समितिका अध्यक्ष राजेन्द्र मोक्तानको सभाअध्यक्षतामा सम्पन्न कार्यक्रममा कोन्ज्योसोम गाउँपालिका वर्डा न.५ का वर्डाअध्यक्ष सुबिन्द्र बल तामाङ,भारदेउ गाबिस पुर्ब उपाध्यक्ष चन्द्रबहादुर योन्जन ,कोन्ज्योसोम ईप्रका हवल्दार सुबोध यादब ,नेपाल शिक्षक महासङ्घ ,जिल्ला सदस्य दयासागार घिमिरे लगायत स्थानिय बासिन्दा ,शिक्षक,शिक्षिका,विद्यार्थी ,अभिभावकहरुको सहभागिता रहेको थियो ।