नेपाल तमाङ घेदुङको राप्ती नगरपालिका वडा तदर्थ वडा कमिटी गठन
चितवन,भद्र १७गते २०७५ ,राजेश रुम्बा तामांग/प्रकाश तामांग । राप्ती नगरपालिका वडा नं ९ चितवन मा नेपाल तमाङ घेदुङको ९ सदस्यीय तदर्थ कमिटी गठन भएको छ।
कमिटीको अध्यक्षमा मान गोले तमाङ, उपाध्यक्षद्वय सोम वाइवा तामाङ्,आरती तामाङ् सचिव सुष्म तामाङ, सह- सचीव आइत सिंह तामाङ कोषअध्यक्ष आशा वाइवा तामाङ् सद्स्यहरुमा सुर्य बहादुर तामाङ् टेक बहादुर तामाङ,पार्वती तामाङ,रहेका छन।
कार्यक्रमका प्रमुख अतिथि तथा तामाङ् घेदुङका चितवन जिल्ला अध्यक्ष गोपिराज घलान तमाङले तामाङ समुदाय शिक्षामा धेरै कमजोर भएकोले धेरै पछि परेको र राज्यबाट पाउने सेवा सुबिधालाई हात पार्न नसकेको औंल्याउदै शिक्षामा जोड दिन उपस्थित तामाङ समुदायलाई आग्रह गर्नुभएको थियो। प्रमुख अतिथी घलानले अबको दिनमा तामाङ समुदायको उन्नति र प्रगतिको लागि नेतृत्वदायि भुमिका बाधेर अघी बढ्नु पर्ने र आफ्नो हक र अधिकारको लागि सकारात्मक ढंगले लडेर अघि बढ्न सुझाव पनि दिनुभयो। सोहि क्रममा नेपाल तमाङ घेदुङ राप्ती नगरपालिका इन्चार्ज डिल कुमारी तमाङले तामाङहरुलाई राज्यबाट राजनीतिक रुपले पनि पुर्ण रुपमा हस्तक्षेप गरिरहेको अवगत गराउदै आफ्नो जातिको उत्थानका लागि नया कमिटीहरु जुझारु भएर लाग्नुपर्ने बताउदै तामाङको समसमयीक गतिबिधिका बिषयमा पनि प्रस्ट पार्नु भएको थियो भने तामाङ पत्रकार संघ चितवनका कार्यसमिति सचीव राजेश रुम्बा तामाङले तामाङ समुदायमा पत्रकारको भुमिका, चुनौती र अबसरको बिषयमाथी प्रष्ट पारेका थिए।
कार्यक्रममा प्रमुख अतिथी गोपिराज घलान तमाङद्वारा नव गठित कमिटीलाई सपथ गराउदै पूर्ण कमिटि गठन गर्ने वातावरण छिटो बनाउन नवागठित तदर्थ समितिलाई अनुरोध गर्नु भएको थियो । कार्यक्रमको सभापतित्व तामाङ्ग अभियन्ता सुन्दर लोप्चन तामाङ्गले गर्नु भएको थियो भने अर्का सामाजिक अभियन्ता राम बाबु वाइवा तामांगले कार्यक्रम संचालन गरेका थिए ।