तामाङ अादिवासीय साँस्कृतिक उजागरण कार्यक्रम सम्पन्न
धन प्रसाद तामाङ,पोखरा ।तामाङ संचार दिवसको सन्दर्भमा कोकोम्हेन्दो साहित्य समाज पोखराको अायोजनामा “तामाङ अादिवासीय साँस्कृतिक उजागरण कार्यक्रम” सम्पन्न भएको छ । दिपक वाइबा, मिनमाया डुम्जन, पवित्रा तामघ र उत्तर वाइबाको सभापति, संचालन, स्वागत र शुभेच्छा मन्तव्यमा सम्पन्न कार्यक्रमलाई लोकोत्तर लोकवादी अभियानता, अासा अभियान व्याख्याता सिनधुली लोकनायक काजीमान तामाङ थिङले संबोधन गर्नुभएको थियो ।
नेपाल तामाङ घेदुङ संघीय भाषा साहित्य तथा प्रशिक्षण विभाग प्रमुख एवं अादिवासी जनजाति महासंघ प्रदेश-३ अध्यक्ष समेत रहेका थिङले मुलुकभित्र शासक समुदायको भाषा बाहेक अन्यको भाषिक मानवअधिकारको ठाडो, क्रुर र बलात दमन भएको रहस्योद्घाटन गर्नुभयो । अबको शासक प्रशाशक सबैको साझा बन्न सक्नुपर्ने भनाइ राख्नुभयो । सचिव, सिडियो र स्थानीय अधिकारीहरुलाई अादिवासीहरुले अाफ्नो अलावा अन्यको भाषामा पनि जुन दख्खलता देखाएको छ; सो कार्य अब शासक र शासक समुदायले पनि गरेर देखाउन सक्ने हो भने शिघ्र नै शासक शासित समुदायहरु बिच समजदारी अाउने विचार राख्नुभय१ । यति मात्र गरे, अन्य सबै किनारिकृत भाषा समुदायहरुको अपनत्व ग्रहणबाट स्वतः केही गर्नु नपर्नेगरि सुसंमृद्धि कायम हुदै जाने कुरा चुनौतीपुर्वक व्यक्त गर्नुभएको थियो ।
“संसकृतिक उजागरण” भनेको “कृयाशीलताभित्रको सिर्जनशीलता”, “निरन्तरताभित्रको नविनता” र “विविधता सहितको वैभवता” मार्फत “चेतनामाथि चेतनाको सिर्जनशील हस्तक्षेप”को अभियान हो । जसले मात्र पुरातन यथास्थितिवादी निषेधहरुलाई निषेध गर्न सकिन्छ । जुन निषेधबाट निषेधहिन निषेधवाद प्रतिस्थापन गरेर बिद्यमान बिध्वंशकारी द्वन्दलाई रचनात्मक रुपान्तरण गरिन्छ । जसको क्रमागत रुपान्तरणबाट समतामुलक बहुअायामिक बहुलतावादी समाजव्यवस्था स्थापन अासा अभियानको ध्येय हो । जसलाई नेपाल तामाङ घेदुङले सांस्कृतिक पुनर्जागरणको रुपमा लामो समयबाट संचालन गर्दै अाइरहेको विषय प्रष्ट्याउनु भएको थियो ।
२ भदौ २०७५ मा प्रकाशित |