हेडलाईन

तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी         इजरायलमा सोनाम ल्होछार २८५९ भव्यताको साथ मनाउने तयारी         हिमाली क्षेत्रका लामा समुदाय तोतङरी ल्होसार मनाइँदै        

छोराको इन्काउन्टर हुँदा बारीमा कोदो गोड्दै थिइन् गोपाल तामाङको आमा, फेसबुकमा फोटो देख्दा पत्याइनन्

साउन २३, २०७५

काठमाडौं– छिन्दोङ तामाङ सोमबार दिनभर बारीमा कोदो गोडमेलमा व्यस्त थिइन् ।

सिन्धुपाल्चोक बाह्रबिसे नगरपालिका–२ कर्थली घर भएकी छिन्दोङ सोमबार बेलुकी सम्म बारीमा कोदो गोड्दै थिइन्, कान्छी छोरीको मोबाइलमा फोन आयो ।

फोन आएपछि छोरी ट्वाल्ल परिन् ।

आमा छिन्दोङ छोरीलाई के भएको हो भन्दै चिन्तामा परिन् । जब कान्छी छोरीले फोनमा आएको घटनाबारे जानकारी गराइन् त्यसपछि छिन्दोङ बारीको डिलमा रहेको रुखमा अडेस लागिन् । छोरीलाई फोन गर्नेले घ्याम्पे डाडाँमा प्रहरीसँगको दोहोरो भीडन्तमा गोपाल र अजय तामाङ मरेको खबर सुनाएका थिए । आमा छिन्दोङले छोरो मरेको कुरा पत्याउन सकिनन् । इन्काउन्टरमा परेका भनिएका गोपाल छिन्दोङका छोरा थिए ।

सकुन् पनि कसरी ? आफूले हुर्काएको छोराको चाल चलन र व्यवहार त्यस्तो आपराधिक खालको थिएन । उनी छोराले कसैको अपहरण गर्‍यो र पुलिसलाई गोली हान्यो भन्ने कुरा पत्याउन सकिरेहकी थिइनन् । तर, जब छोरीले सामाजिक सञ्जाल फेसबुक खोलिन् तब छोराको मृत्यु भएको समाचार सत्य बन्यो ।

०००

दिनभरी कोदो गोडेकी छिन्दोङ थकित थिइन् । सोमबार साँझा(इन्काउन्टर भएको साँझ) करिब सात बजेतिर छोरीले फेसबुक खोल्दा छोरा गोपालको लाश उनले देखिन्, तर पत्याउन सकिनन् । आफ्नो काखमा १६ वर्ष बसेको छोराको लाश देखेपछि पनि उनलाई पत्यार लागेको थिएन ।

सोमबारको रात काट्न उनलाई मुस्किल पर्‍यो । छोराको इन्काउन्टर भएको भोलिपल्ट विहान केही साथीसहित उनी काठमाडौं निस्किइन् ।

अविरलको वर्षले गाउँसम्म गाडी नगएपछि उनीहरु चार घन्टा हिडेर बाह्रविसे बजार आए । त्यसपछि गाडी त चढे तर बलेफि बजार आइपुग्दा जाममा परे । उनीहरु चढेको गाडीको चालकले छिन्दोङसहितलाई अर्को गाडीमा काठमाडौं पठाए । दिउँसोको करिब तीनबजेमात्र उनीहरु काठमाडौं आइपुगे ।

छोराको लाशको फोटो सामाजिक सञ्जालमा देखेकी आमालाई पत्यार लागि रहेको थिएन की, मारिने आफ्नै छोरा हो भन्ने ।

जब उनले लाश हेर्न खोजिन् उनलाई दिइएन । तर उनले गोपालको आमा भएको र लाश हेर्ने अडान लिइन्  ।

०००

राष्ट्रिय मानव अधिकार आयोगमा छानविनको माग गर्दै उजुरी दर्ता गर्न आएकी छिन्दोङले भनिन्, ‘लाश हेर्दा घुँडा मुनि गोली रहिन्छ, पेटमा र टाउकाेमा गोली लागेको देखे ।’

त्यसपछि छिन्दोङ छोरा बसेको ठाउँ भक्तपुरको नगदेश पुगिन् । उनले त्यहाँ भएका छिमेकीलगातसँग कुरा गरिन् । छोरालाई प्रहरीले कोठाबाट लगेको उनलाई त्यहाँका स्थानीले बताए । त्यसपछि उनी न्याय माग्न राष्ट्रिय मानवअधिकार आयोग पुगिन् ।

‘त्यहाँका मानिसले देखेको भने त्यसपछि मैले मनमा ठाने मेरो छोराले गल्ती गरेको भए पनि चौकीमा राख्नु पर्थ्यो । मेरो छोरालाई पुलिसले लगेर मार्न त हुन्थेन भन्ने लाग्यो र न्याय माग्न आए’ भावुक बन्दै उनले भनिन् ।

०००

‘मेरो छोरा १६ वर्ष मेरोका काखमा थियो । आठ पास गरेपछि तीनवटा भाइ जन्मियो ।

१७ वर्ष लागेपछि पासपोर्ट बनाएर इराक गयो । त्यसपछि फेरि केही समय बसेपछि दुबइ गयो ।

काठमाडौंमा बस्छु केही काम गर्छु भनेर आएको हो । उ रंग पेन्टिङ गर्छु भनेर आएको थियो’ छिन्दोङले भनिन् ।

 

काठमाडौं पेप्सीटाउन प्लानिङमा बस्ने चमेली खड्काका छोरा ११ वर्षीय निशान खड्काको सोमबार अपहरणपछि हत्या भएको थियो । हत्यामा संलग्न भएको भन्दै प्रहरीले सिन्धुपाल्चोकका गोपाल र नुवाकोट अजय तामाङको भक्तपुरमा इन्काउन्टर गरेको थियो ।

तर, इन्काउन्टर शंकास्पद भएको भन्दै प्रहरीको आलोचना भइरहेको छ । यसैबीच बुधबार अपहरणमा संलग्न भइ इन्काउन्टरमा परेका मृतक  गोपाल तामाङकी आमा छिन्दोङ तामाङ, बुबा सुकराम तामाङ, अजय तामाङका बुवा निमा तामाङ मानव अधिकार आयोगको परिसरमा उजुरी दर्ता गर्न पुगेका थिए ।

मानव अधिकार आयोगमा उनीहरुले आफ्ना छोराहरुको यथार्थ जनाकारी पाउँ भन्दै छानवीको माग गरेका थिए । लोकान्तर बाट






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution