तेलअविव – नेपाली जनसम्पर्क समिती इजरायलको दोश्रो ऐतिहासिक वार्षिकोत्सव तथा ३६औं बिपी स्‍मृति दिवस गत (शुक्रबार) भव्यताको साथ सम्पन्न गरेको छ |

जनसम्पर्कसमितिका प्रथम उपसभापति दिपिका भुसालको संयोजकत्व रहेको कार्यक्रममा कार्य बाहक सभापति डम्मर गुरुङको सभापतित्वमा भएको कार्यक्रममा प्रमुख अतिथि नेपाली दुतावास इजरायलका महामहिम राजदुत निरन्जन कुमार थापा , बिशेष अतिथिहरुमा एनआरएन ए इजरायलका अध्यक्ष छिरिङ लामा शेर्पा , समितिका सल्लाहकार देब घिमिरे र अतिथिहरुमा इजरायलमा अवस्थित बिभिन्न संघ संस्थाका अध्यक्ष तथा प्रतिनिधिहरु र मिडियाकर्मीहरु रहेका थिए |

प्रमुख अतिथि निरञ्जन थापाले बिपी कोइरालको राष्ट्रिय मेलमिलापको नीति अनुसार सम्पूर्ण नेपाली समाजमा एकता आवश्यता रहेको बताउनु हुदै प्रवासमा जुनसुकै पार्टी ,सामाजिक , धार्मिक ,जातीय संघसंस्था र नेपालीहरुमा मेलमिलाप हुनुपर्ने बताउनु भएको थियो |

कार्यक्रममा बिशेष अतिथि छिरिङ लामा शेर्पा,नेपाल आदिवासी जनजाती महासंघ इजरायलका अध्यक्ष नरेश कुमार श्रेष्ठ,महामन्त्री उशा सुवेदी , सहकोषाध्यक्ष सुर्य राना, द्धितिय उप सभापति राजेन्द्र खनाल,प्रबक्ता राज छत्कुली ,सल्लाहकार सुरेन्द्र प्रसाईं, सांस्कृतिक बिभाग प्रमुख माया खनाल,सदस्य माया खनाल लगायतले मन्तव्य राख्नु भएको थियो |

कार्यक्रमको अन्तमा सभापति डम्मर गुरुङले  उपस्थित सम्पूर्ण महानुभावहरुलाई धन्यवाद व्यक्त गर्नु हुदै कार्यक्रम समापन गर्नु भएको थियो |