तिते करेला : ९ रोगका लागि उपयोगी !
तितेकरेला आफैमा तितो तरकारी हो । जसको कारण कतिलाई तितेकरेला मन पर्छ कतिलाई मन पर्दैन । मुखको स्वाद फेर्नको लागि हामी तितेकरेलाको तरकारी खाने गर्छौँ । तर तितेकरेला हाम्रो तरकारी मात्र नभई औषधीय गुण पनि रहेको छ, जुन हाम्रो मानव स्वास्थ्यको लागि अति नै जरुरी छ । आउनुहोस जानौँ के के छन् त औषधीय गुण तितेकरेलामा ।
यस्ता छन् तितेकरेलाका गुणहरु
१. पाचन प्रणालीमा सघाउँछ
तितेकरेलामा एन्टिअक्सिडेन्ट भन्ने तत्व पाईन्छ । जसले शरिरमा अक्सिजनको मात्रा बढाउँछ र हाम्रो शरिरको पाचन प्रणालीलाई सघाउँछ । जसको खानामा नियमित तितेकरेला हुन्छ उसको पाचन प्रणाली एकदम मजबुत हुन्छ । पाचन प्रणाली स्थीर भएपछि कव्जीयतको समस्या हुँदैन ।
२. मधुमेहको रोगीलाई फाईदाजनक
तितेकरेलाले सबैभन्दा बढि फाईदा मधुमेहको रोगीलाई पु¥याउँछ । बिहान उठेर तितेकरेलाको चूर्ण पानीमा मिलाएर सुप पिउनाले चिनीको मात्रा नियन्त्रण गर्छ । तितेकरेलाले शरिरको मेटाबोलिज्म स्थीर राख्न मद्धत गर्छ । यसको शुप बनाएर पिउँदा पनि शरिरलाई एकदमै फाइदा गर्छ ।
३. मोटोपन घटाउँछ
शरिरमा अनावश्यक तौल बढेर हैरान हुनुभएको छ भने तितेकरेला सेवन गर्नुहोस् । बिहानै उठेर तितेकरेलाको रसमा थोरै कागतीको रस मिलाएर हप्ताको तीनपटक पिउनुहोस् । यसले तपाईँको पाचन प्रणालीमा सुधार गर्छ र मोटोपन घटाउँछ ।
४. शरिरको दुखाई हटाउँछ
हरेक ४ जनामा १ जनालाई जाडोको समयमा शरिर दुख्ने समस्याले सताउँछ । यदि तपाईँमा पनि जाडोमा शरिर दुख्ने समस्याले सताएको छ भने तितेकरेलाको पातको लेपन बनाएर दुखेको भागमा राख्नुहोस् । यसो गर्नाले आराम मिल्नेछ । त्यसैगरी तिलको तेलमा तितेकरेलाको रस समान मात्रामा मिलाएर तेल बनाउनुहोस् र दुखेको भागमा मालिस गर्नुहोस् । यसो गर्नाले तपाईको दुखाई दूर भएर जानेछ । टाउकोको अगाडिको भाग दुखेको छ भने तितेकरेलाको लेपन बनाएर लगाउँदा जाती हुन्छ ।
५. रतन्धोको रोगीलाई फाईदा
तितेकरेलामा भिटामीन ए पाईन्छ जसले आँखाको तेज बढाउँछ । तितेकरेलालाई कालो मरिचसंग मिसाएर खाने गर्नाले रतन्धो समेत ठीक हुन्छ ।
६. हृदयरोगीलाई फाईदाजनक
तितेकरेलामा कोलेस्ट्रोल नियन्त्रण गर्ने तत्व हुन्छ साथै रक्तचाप समेत नियन्त्रण गर्छ । यसको नियमित सेवनले हर्ट एट्याक हुन दिँदैन ।
७. मुखको रोग हटाउँछ
मुख भित्रको छालामा कुनै पनि घाउ छ भने तितेकरेलाको रस बनाएर कुल्ला गर्नुहोस । यसो गर्नाले मुखभित्रको घाउ निको भएर जानेछ ।