ह्योल्मो समाज इजरायलको वार्षिकोत्सब भव्यताको साथ सम्पन्न (फोटो सहित)
तेलअविव – ह्योल्मो समाज इजरायलको १२ औ ऐतिहासिक वार्षिकोत्सब गत १३ जुलाई २०१८ (शुक्रबार) तेलअविवमा भव्यताको साथ सम्पन्न गरेको छ |
संस्थाकी अध्यक्ष पेमा डोल्मा ह्योल्मोको सभाप्तिवामा भएको कार्यक्रमको प्रमुख अतिथिमा नेपाल आदिवासी जनजाती महासंघ इजरायलको अध्यक्ष नरेश श्रेष्ठ,बिशेष अतिथिहरुमा राष्ट्रिय आदिवासी जनजाती महिला महासंघ (निफ) को पुर्व महासचिव तथा नेपाल मगर संघ केन्द्रकी उपाध्यक्ष गंगा खासु मगर , एनआरएनए इजरायलका महासचिव तेन्जिङ शेर्पा , अतिथिहरुमा इजरायलमा सङ्गठित सामाजिक धार्मिक जातीय समाज,साहित्यकला समाज साथै बिभिन्न संघ सस्था संगठन र राजनीति दलका अध्यक्ष तथा प्रतिनिधी एवं अनलाइन संचारकर्मीहरु रहेका थिए |
कार्यक्रम १२ १२ औ ऐतिहासिक वार्षिकोत्सबको अवसरमा केक काटी मनाएको थियो भने प्रमुख नरेश श्रेष्ठ,बिशेष अतिथि उपाध्यक्ष गंगा खासु मगर लगायतले शुभकामना मन्तव्य राख्नु भएको थियो |
संस्थाबाट सम्भोट लिपिको प्रशिक्षण दिएकोमा सफलतापुर्वक सिक्नु भएकोमा ह्योल्मो समाजका पदाधिकारी तथा सदस्यहरुलाई खाद लागि बधाई तथा धन्यवाद व्यक्त गरेका थिए |
अन्तमा कार्यक्रमको सभापति पेमा डोल्मो ह्योल्मोले कामको व्यस्तताको बावजुद, पनि गरिमामय उपस्थित जनाईदिनु हुने सम्पूर्ण महानुभावहरुमा हार्दिक आभार व्यक्त गर्दै आगामी दिनहरुमा पनि सदैव सदभाव एकता आत्मियता माया ममता, साथ् हौसला सदैव मिलिरहने आशा व्यक्त गरेकी थिइन् |
कार्यक्रम संस्थाको सचिव समिर ह्योल्मोले कुशलतापूर्वक संचालन गरेका थिए |