याम्बु – वाईबा तामाङ समाज नेपालको “केन्दीय कार्यसमितिको वैठक” तथा “संगठनात्मक सुदृढीकरण र नेतृत्वविकास”बारे तालिम शत्र काठमाडौंको नयाँ बसपर्क नजिक अवस्थित गुरुङ समन्वय परिषद्को सभाकक्षा हलमा सम्पन्न भयो । नेपाली राष्ट्रिय गान तथा ज्ञान अज्ञात सहितहरुको सम्झनामा एक मिनेट मौन धारण गरी कार्यक्रम शरु भएका थिए ।

वाईबा तामाङ समाजको अध्यक्ष बिगेन्द्र वाईबा तामाङको अध्यक्षता सम्पन्न सो समारोहमा सल्लाहकारद्धय पूर्वराज्यमन्त्री परशुराम तामाङ तथा युवा नेता जयमान तामाङ लगायत पदाधिकारीहरु उपाध्यक्ष ज्ञान सिंह वाईबा, महासचिव टेक बहादुर वाईबा, कोषाध्यक्ष मिनुकुमारी वाईबा, सचिव मिक्साङ वाइबा लगायत लामागुरु पाल्साङ बज्र लामा सहितको विभागीय प्रमुखहरु र सदस्यहरुले आफ्नो उपस्थिति जनाएका थिए । उपाध्यक्ष ज्ञान वाईबाले स्वागत मन्तब्य सहित शुरु भएको सो कार्यक्रम समाजका महासचिव टेब बहादुर वाईबाले सञ्चालन गरेका थिए ।

कर्याक्रमको प्रथम शत्रमा वाईबा तामाङ समाज अन्तर्गतका बिभिन्न विभागका प्रमुखहरुको आ–आफ्नो कार्ययोजनाको प्रस्तुती रहेको थियो भने दोस्रो शत्रमा तालिम कक्षा सञ्चालन गरेका थिए । अध्यक्ष महासचिव सहितका विभागीय प्रमुखहरु, ज्ञान सिंह वाईबाले जनसम्पर्कबारे, रीमठीम पेठीमबारे लामा पाल्सङबज्र लामाले, बुद्धि वाईबाले कर्मचारीमा वाईबाको उपस्थिति बारे, पेशा व्यवसायीबारे जोल्बा वाईबाले, भाषा साहित्य अनि पुरतत्वीकबारे अध्यक्ष बिगेन्द्रं वाईबा र संगठनबारे महासचिव टेकबहादुर वाईबाले आ–आफ्नो विभागीय कार्ययोजनाबारे अवधारणा प्रस्तुत गरेका थिए ।
कार्यक्रमको दोस्रो तालिम शत्रमा “संगठनात्मक सुदृढीकरण र सामाजिक कार्यकर्ता”बारे बिगेन्दं सिंह वाईबाले, संगठन, “नीति, संरचना नेतृत्वको ज्ञान”बारे टेकबहादुर वाईबाले, “रीमठीम पेठीम”बारे लामा पाल्सङ बजं्र वाईबाले दिएको तालिम शत्रको सल्लाहकारद्धय परशुराम तामाङ र जयमान वाईबाले विभागीय प्रस्तुती तथा तालिम शत्रबारे आफ्नो समीक्षा मन्तव्य व्यक्त गरेका थिए ।