नमस्ते नेपाल हातेमालो सामाजिक संस्था इजरायलको चौथो अधिबेसन सम्पन्न,संयोजकमा सानु खतिवडा निर्वाचित
तेलअविव – नमस्ते नेपाल हातेमालो सामाजिक संस्था समन्वय समिती इजरायलको चौथो अधिबेसन गत १६ जुन (शनिबार) तेलअविव स्थित सेन्ट्रल बस पार्क नजिकै रहेको सानो पार्कमा सम्पन्न भएको छ | समन्वय समिति इजरायलका कार्यबाहक संयोजक सानु खतिवडाको सभापतित्व तथा एनआरएन इजरायलका अध्यक्ष छिरिङ लामा शेर्पाको प्रमुख आतिथ्य,केन्द्रिय उपाध्यक्ष गणेश गिरिको बिशेष उपस्थिति साथै इजरायल स्थित बिभिन्न संघसस्थाका प्रतिनिधिहरु,मिडियाकर्मीहरु,बुद्धिजीवी र समाज सेवीहरुको सहभागी रहेको थियो |
चौथो अधिबेसनबाट सानु खतिवडाको संयोजकमा १० सदस्यीय इजरायल समन्वय समिती गठन गरेको छ | जसअनुसार संयोजक सानु खतिवडा ,वरिष्ठ उपाध्यक्ष भिमा थापा , उपाध्यक्ष धर्म भन्डारी , सचिब चिनु सुबेदी , कोषाध्यक्ष अमिरा थापा , सह-कोषाध्यक्ष साबि खड्का सदस्य हरुमा नारायण तिवारी , आरती कार्की ,सन्तोष श्रेष्ठ र रन्जना मैनाली रहेका छन । दिदी बहिनिहरुमा नमस्ते नेपाल हातेमालो सामाजिक संस्था समन्वय समिती इजरायलले हार्दिक धन्यवाद प्रकट गरेको छ |