हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

युरोपियन देश लिथुआनिया पठाउने भन्दै लाखौंको ठगी !

काठमाडौँ, जेठ २७ – युरोपियन देश लिथुआनिया मा रोजगारीका लागि पठाउने भन्दै एक म्यानपावरले छ लाख ठगी गरेको छ ।

काठमाडौँको गोंगबुमा रहेको ‘लिंक स्टार म्यानपावर’ले प्रतिव्यक्ति तीन लाखका दरले छ लाख रुपैया ठगी गरेको हो ।

सर्लाहीका सिताराम चौधरी र मनोज चौधरीसँग २०७३ साल फागुन ३ लिंक स्टार म्यानपावरको प्रतिनिधि भीम राईले युरोपियन देश लिथुआनिया पठाउने भन्दै  जनही तीन लाखका दरले रकम उठाएका थिए । १६ महिना बितिसक्दा पनि लिथुआनिया नपठाइएपछि पीडित सिताराम र मनोज आफूले तिरेको रकम फिर्ता पाउनुपर्ने भन्दै वैदेशिक रोजगार विभागमा उजुरी गर्न पुगेका छन् ।

 

लिथुआनिया सँग द्विपक्षीय श्रम सम्झौता भएको छैन तर वैदेशिक रोजगारीका लागि लिथुआनिया खुला रहेको छ । युरोपेली देश भएकाले पारिश्रमिक तथा अन्य सुविधा धेरै हुन्छ भन्ने लालच देखाएर अहिलेसम्म नामै नसुनिएको देशमा मान्छे पठाउन म्यानपावर र एजेन्टहरू सक्रिय भएका हुन् ।

वैदेशिक रोजगार विभागमा उजुरी दिँदै पीडित मनोज चौधरी आफूले म्यानपावरमा बुझाएको रकम ब्याजसहित फिर्ता पाउनुपर्ने बताए ।

राहत तथा उद्धार शाखाका निर्देशक उद्धव रिजालले लिंक स्टार म्यानपावर कम्पनीको कामकारवाही रोक्का गरेर कारवाही अगाडि बढाउने आश्वासन दिएका छन् । म्यानपावर कम्पनीले राखेको धरौटी रकमबाट पीडितहरूलाई ठगिएको रकम फिर्ता गरिने रिजालले लोकान्तरलाई बताए ।

वैदेशिक रोजगार विभागको परिसरमै भेटिएका लिंक स्टार म्यानपावरका प्रतिनिधि भीम राईले पीडितहरूको पैसा छिटै फिर्ता गर्ने प्रक्रियामा म्यानपावर रहेको दावी गरे पनि करिब १६ महिनासम्म फिर्ता नपाएको पैसा छिटै फिर्ता आउला भन्ने नलागेको पीडितको भनाइ छ ।

वैदेशिक रोजगारका लागि सरकारले छुट्याएको गन्तव्य मुलुकको बारेमा राम्रोसँग जानकारी नभएकोले पीडितहरूको संख्या बढिरहेको छ । मलेसिया लगायतका ६ वटा खाडी देशहरूमा ‘फ्री भिसा, फ्री टिकट’को व्यवस्था भएपनि रोजगारीका लागि खोलिएका अन्य देशहरूमा जानेले कति पैसा तिर्नुपर्छ भन्ने विषयमा सरकार पनि प्रष्ट छैन ।

निर्देशक रिजालले लिथुआनिया जानको लागि बढीमा ८० हजारसम्म बुझाउन सकिने बताए । रिजालका अनुसार त्यो भन्दा बढी म्यानपावरले लिएको पाइएमा कारवाही हुन्छ । तर हाकाहाकी रसिद नै दिएर तीन/तीन लाख असुल्दा पनि उक्त म्यानपावर कम्पनीलाई हालसम्म कसैले कारवाही गर्न सकेको छैन ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution