नेपाल तामाङ घेदुङ इजरायल द्वारा बिद्यालयलाई आर्थिक सहयोग प्रदान
याम्बु – नेपाल तामाङ घेदुङ इजरायलबाट शैक्षिक सहयोग कोष अन्तर्गत सर्लाही स्थित बागमती नगरपालिकाको वडा नं. १० मा रहेको शंकरपुर प्रा. बि. सन्तोषपुरलाई नगद रकम रु. ६०,७५०/- हस्तान्तरण गरिएको छ ।
नेपाल तामाङ घेदुङको संघिय सदस्य, प्रदेश उपाध्यक्ष, जिल्ला अध्यक्ष र नगर पदाधिकारीहरुको रोहवरमा घेदुङका संघिय अध्यक्ष मोहन गोले तामाङले सर्लाहीको हरिओनमा पुगेर बिद्यालयका प्रधानाध्यापक महेन्द्र ठाकुर र बिब्यस अध्यक्ष यामकुमार श्रेष्ठलाई रकम हस्तान्तरण गरेका हुन ।
तामाङ बालबालिकाको शैक्षिक स्तरमा सुधार ल्याउन इजरायल घेदुङले बर्षेनि लाखौ रकम विभिन्न बिद्यालयलाई घेदुङ संघिय कार्यालयमार्फत बितरण गर्दै आएको अध्यक्ष गोलेले बताए । बिदेशबाट बितरण गरिने यस खालको सहयोगलाई ब्यबस्थित गर्नसके तामाङ समुदायको शैक्षिक स्तर उठाउन सकिने उहाँको भनाइ थियो ।
उक्त रकमले बिद्यालयको अति आवश्यकिय शैक्षिक सामाग्री खरिद गरिने प्र.अ. ठाकुरले बताए । उनले सहयोग हस्तान्तरण गर्ने संस्थालाई बिद्यालयको तर्फबाट धन्यवाद ब्यक्त गरेका छन |