प्रधानमन्त्री ओलीले फोरमका राजेन्द्र श्रेष्ठलाई मन्त्री नबनाएको खुलास
काठमाडौं – सरकारमा सहभागी हुने मन्त्री छनौटको बिषयलाई लिएर संघीय समाजवादी फोरमममा विबाद देखिएको छ ।
सहअध्यक्ष राजेन्द्र श्रेष्ठलाई मन्त्री नबनाइएपछि फोरममा संघीय समाजवादीबाट आएको समूह असन्तुष्ट देखिएको हो ।
यसअघि अध्यक्ष उपेन्द्र यादव सहरी विकास र राजेन्द्र श्रेष्ठ स्वास्थ्य मन्त्री बन्ने चर्चा थियो । फोरममा अशोक राई पक्षधरले भुगोललाई समेटेर मन्त्री बनाउनु पर्ने अडान राख्दै आएका थिए । उपेन्द्रले मोहमद इख्तियार राईलाई मन्त्रीमा सिफारिश गरेपछि फोरममा विबाद देखिएको हो । संघीय समाजवादी पार्टीबाट आएका एक नेताले उपेन्द्रले पार्टीलाई मधेसमै केन्द्रीत गर्न खोजेको आरोप लगाए ।
श्रेष्ठको नाममा प्रधानमन्त्री केपी शर्मा ओली सकारात्मक नभएको बहाना देखाउँदै उपेन्द्रले इख्तियाकको नाम लिएको फोरम स्रोतले बतायो । काठमाडौं उपत्यका इन्चार्ज रहेको समयमा श्रेष्ठले तत्कालिन एमाले उपाध्यक्ष अशोक राईसँग मिलेर संघीय समाजवादी पार्टी गठन गरेका थिए । पछिल्ला दिनमा हुने वार्तामा यादवसँगै श्रेष्ठ सहभागी हुँदै आएका थिए ।
उता रेणु यादव र सरिता गिरी लगायको समूहले भने पार्टीमा मधेसबाट बढी भोट आएको भन्दै भूगोलको आधारमा नभइ जनमतका आधारमा मन्त्री चयन गर्नुपर्ने बताउँदै आएका थिए ।
वुधबार र विहीवार बसेको संसदीय दलको बैठकमा यादव र गिरीले महिलालाई मन्त्री बनाउन पार्टी अध्यक्ष यादवलाई दवाव दिएका थिए । तर आज विस्तार हुने मन्त्रिपरिषद्मा फोरमबाट महिलाको सहभागीता भएको छैन ।
श्रेष्ठ लगायतको समूहले संघीयता स्वीकार नगरेको भन्दै एमालेको चर्को विरोध गरेका थिए । २०७० सालको संविधानसभा चुनावमा अपेक्षाकृत सफलता हासिल गर्न नसकेपछि राई नेतृत्वको संघीय समाजवादी पार्टी र यादव नेतृत्वको मधेशी जनअधिकार फोरम नेपाल मिलेर संघीय समाजवादी फोरम पार्टी बनेको थियो |लोकान्तरबाट