राजेश रुम्बा तामाङ , चितवन – पुर्वी चितवन राप्ती नगरपालिका ७ मा अवस्थित संघ छेवाङ्ग टसि बौद्ध गुम्बामा २१ जना भन्दा बढी उपासक उपासीका सहभागी रहेको तीन दिने ञ्युङ्ने उपसा मौन व्रत कार्यक्रम यही जेष्ठ १५ गते सम्पन्न भएको छ ।

प्रमुख गुरु पेमा साङ्गे लामा द्धारा सञ्चालन सो मौन व्रत अवदी भर उपासक तथा उपासिकाहरुले १३ गते स्रोकज्योङ अर्थात् दिनको १२ बजे अगावै भोजन ग्रहण गरि सक्नु पर्ने र १२ बजे पछि पानी मात्र पिउने, १४ गते ङाग्जे दोम्बा अर्थात्  खाना पिउन बोल्न नपाउने र १५ गते बिहान १० बजे वाङ अार्शिवाद सहित बिदाई कार्यक्रम रहेको थियो ।

बिस्वमा शान्ति छावस भन्ने मुल उदेश्यका साथ कार्यक्रमको अायोजना गरेको र सोचेको भन्दा बढि जना सहभागीताले अाफुलाई खुशी तुल्याएको लामा गुरुले बताउनु भयो ।

समापन कार्यक्रमको अध्यक्षता सोही गुम्बाका अध्यक्ष धर्म राज बल्बा थिङ्ले गर्नु भएको थियो भने कार्यक्रम पश्चात् सम्पुर्ण उपासक तथा उपासिकाहरुलाई बिदाई गर्न स्थानिय बासिहरुको बाग्लो उपस्थिति रहेको थियो ।