हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

नेवा–ताम्सालिङ प्रदेश निर्माणको लागि सशक्त संघर्षको थालनी गर्ने घोषणा

याम्बु । तीन नम्बर प्रदेशलाई ऐतिहासिक सभ्यता, राजनीतिक दल बीचमा भएको बिगतको सहमति र विश्व संघीयताको अभ्यास समेतको आधारमा नेवा–ताम्सालिङ प्रदेश नामाकरणको लागि सशक्त संघर्षको थालनी गरिने भएको छ ।

नेवाः ताम्सालिङ समन्वय समितिले आज तमु हल नयाँ बसपार्कमा आयोजना गरेको नेवाः ताम्सालिङ प्रदेश स्तरीय बृहत् राजनीतिक भेलामार्फत आन्दोलनमा जाने निष्कर्षमा पुगेको हो । उनीहरुले यसको लागि प्रदेशका १३ वटै जिल्ला र ११० वटै स्थानीय तहहरुमा संगठन निर्माण गर्ने बताएको छ ।

भेलाले असार मसान्तसम्मको आन्दोलनको कार्यक्रम, संगठन निर्माण र पहिचानको बहसलाई तल्लो तहसम्म लाने कार्य योजना पास गरेको नेवाः देय दबूको अध्यक्ष नरेश ताम्रकारले बताए । उहाँका अनुसार दोस्रो चरणको कार्यक्रममा जिल्ला तहमा प्ले कार्ड प्रदर्शनी, पर्चा वितरण, प्रमूख जिल्ला अधिकारीको कार्यालयमार्पmत ज्ञापन पत्र बुझाउने, सांसदहरुसँग अन्तरक्रिया गर्ने र धर्ना दिने लगायतका छन् ।

ताम्रकारले भने– पहिलो चरणको कार्यक्रम अन्तर्गत हामीले प्रधानमन्त्री, दलका प्रमूख नेताहरु, प्रदेशका मुख्यमन्त्री, सभामुख र सांसदहरुलाई ज्ञापन पत्र बुझाएपनि हाम्रो आवाजको कुनै सुनुवाई नहुने देखिएकोले संगठन विस्तार गर्दै सशक्त आन्दोलनका तयारी गरेका हौ । उनले यसबाट पनि सरकारले अटेर गरे तेस्रो चरणमा बन्द, हड्तालसम्मको कार्यक्रम अघि सार्ने बताए ।
त्यसैगरी नेपाल तामाङ घेदुङका संघीय अध्यक्ष मोहन गोले तामाङले तामाङ र नेवार समुदायको ऐतिहासिक भूगोलको आधारमा ३ नं. प्रदेशलाई नेवाः ताम्सालिङ प्रदेश नामाकरण हुनैपर्ने दाबी गरे । उनले राज्यले जवर्जस्त पशुपति, बागमति, राजधानी या नेपाल मण्डल जस्ता नामहरु राखिए त्यसको चर्को मूल्य चुकाउनुपर्ने तर्फ ध्यानाकर्षण गराए ।

गोलेले भने– हामीले अझैपनि यो नश्लीय राज्यलाई शालिनताका साथ आग्रह गरिरहेका छौ तर चुनावी अंक गणितको बलमा उत्पीडित राष्ट्रलाई दबाउने प्रयास गरिए त्यो हाम्रो लागि मान्य हुने छैन । पहिचानको लागि आजकै भेलाबाट ३ नं. प्रदेशमा अब निर्णायक संघर्षको थालनी भएको उनको भनाई थियो ।

प्रदेश सरकारको निर्माणसँगै नेपाल तामाङ घेदुङ, नेवाः देय दबूको संयोजकत्वमा एमाले, काङ्ग्रेस, माओवादी र फोरम सम्बद्ध राजनीतिक दलका ८ वटा जातीय मोर्चाहरु र ३ नं. प्रदेशका १४ वटा कम जनसंख्या भएका जातीय संस्थाहरुले प्रदेशको नामाकरण, प्रादेशिक भाषा, प्रदेशको राजधानी र विशेष, संरक्षित वा स्वायत्त क्षेत्र स्थापनाको लागि संघर्ष गरिरहेका छन् ।
कार्यक्रममा आदिवासी जनजाति अगुवा नेता परशुराम तामाङले कार्यपत्र प्रस्तुत गरेका थिए भने राष्ट्रिय योजना आयोगका पूर्व सदस्य तथा नेता डा. पुष्पराज राजकर्णिकारले टिप्पणी प्रस्तुत गरेका थिए । त्यसैगरी घेदुङका पूर्व अध्यक्ष तथा पूर्व न्यायधिश कुमार योञ्जनले आगामी आन्दोलनको कार्यक्रम सार्वजनिक गरेका थिए ।

तीनै जना अगुवा नेताहरुको प्रस्तुतिपछि ५ समूहमा विभाजित भई छलफल गरेका सहभागीहरुले आन्दोलन थप सशक्त बनाउन सुझाव प्रस्तुत गरेका थिए । उक्त सुझावको आधारमा आजै काठमाडौं घोषणापत्र समेत जारी गरिएको छ ।

कार्यक्रममा आदिवासी जनजातिका अगुवा नेताहरु सीताराम तामाङ, डा. केशवमान शाक्यले कार्यपत्रमाथि थप सल्लाह, सुझाव दिएका थिए । ३ नं. प्रदेशका १५० भन्दा बढी नेता, कार्यकर्ताको समुपस्थितिमा सम्पन्न कार्यक्रममा सांसद तथा एमाले नेता शान्ति पाख्रिन, पूर्व मन्त्रीहरु दिलमान पाख्रिन, सुर्यमान दोङ र दिलिप महर्जन लगायतको उपस्थिति रहेको थियो ।

१५ जेठ २०७५






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution