तेलअविव – नेकपा प्रवासी नेपाली मञ्च इजरायलको दोस्रो अधिवेशन जुलाई १३ तारिक हुने भएको छ । मञ्चका अध्यक्ष तिर्थ गौतमले एक विज्ञप्ति मार्फत दोस्रो अधिवेशनबारे जानकारी दिएका हुन् ।
अध्यक्ष गौतमले नेकपा एमाले र नेकपामा माओवादी केन्द्रबीचको कम्युनिष्ट एकताले राजनीतिक स्थायित्व प्रदान गर्न तथा समृद्ध नेपाल निर्माणको भूमिका निर्वाह गर्र्ने विश्वास लिएको बताएका छन् ।

विज्ञप्तिमा राजनीतिक दल देश र जनताप्रति उत्तरदायी भूमिका निर्वाह गर्नुपर्ने भन्दै नेपाल कम्युनिष्ट पार्टीको मार्गदर्शनमा समृद्धि नेपालको निमाण गर्नुपर्ने उल्लेख गरिएको छ । ‘हामी दोश्रो ऐतिहासिक अधिवेशन भव्यरुपमा सम्पन्न गर्ने तयारीमा जुटेका छौं । स्थान, प्रमुख अतिथि केहिदिनमा प्रकाश पार्नेछौं’ विज्ञप्तिमा भनिएको छ ।

यस्तै नेपाल कम्युनिष्ट पार्टीमा आस्था राख्ने इजरायलवासी नेपाली दाजुभाई तथा दिदीबहिनीहरुलाई मञ्चको सम्पर्कमा आएर संगठित भई संगठन विस्तारमा सहयोग गर्न समेत विज्ञप्ति मार्फत अनुरोध गरिएको छ । विज्ञप्तिमा भनिएको छ, ‘प्रवासमा बसेर आफ्नो राजनीतिक आस्था र विचारलाई निरन्तरता दिँदै नेपाली समाजको पहिचनमा सुख, दुःखका समस्या, श्रमिकहरुको हक अधिकारलाई आवाजमा बुलन्द गर्ने नेपाल कम्युनिष्ट पार्टीको आदर्श मान्ने इजरायलमा कार्यरत नेपालीहरुलाई एकताबद्ध संगठित हुन मञ्च इजरायल हार्दिक अपिल गर्दछौ ।

थप जानकारीको सम्पर्क

तिर्थ गौतम – 0524283877
जय ओडारी – 0547044670
अनिता तामाङ – 0543021574
बी बी लामा तामाङ – 0585502530
अनिरुद्ध जोशी – 0587224900