ओखलढुंगा- नेकपा(क्रान्तिकारी माओवादी)का महासचिव मोहन वैद्य किरणले  एमाले र माओवादी केन्द्रबीचको एकता भारतको ईशारामा भएको आरोप लगाएका छन्। एकताका नाममा माओवादी केन्द्र एमालेमा विलय भएको उनको भनाई छ।

शुक्रबार ओखलढुंगाको सदरमुकाममा आयोजित पत्रकार सम्मेलनमा उनले सो एकताविरुद्ध अन्य कम्युनिष्ट पार्टीहरु एक ठाउँमा उभिने बताए। आफुहरुले पनि एकताका लागि पहल भइरहेको उनले जानकारी दिए।

मोहनविक्रम सिंहको नेकपा मसाल र नेत्रविक्रम चन्द विप्लव नेतृत्वको नेकपासँग एकताको लागि छलफल भइरहेको उनको भनाई छ ।  अब नेपालको कम्युनिष्ट आन्दोलन एउटा अवसरवादी धार र अर्को क्रान्तिकारी धारको रुपमा अगाडि बढ्ने बैद्यको भनाई रहेको नेपाल लाइभमा छ |