वैशाख ३१ – एमएच ३७० फ्लाइट नम्बरको मलेसियन एअरको हराइरहेको जेट विमानका चालकले जानीजानी राडार बन्द गरेको खुलासा भएको छ ।

विमान ४ वर्षअघि मार्च महिनामा क्वालालम्पुरबाट चीनको बेइजिङको नियमित उडानका क्रममा रहस्यमय ढंगले आकाशबाटै बेपत्ता भएको थियो । यसको कारण भने लामो समय रहस्यमय नै थियो ।

विज्ञहरुले विमान दुर्घटनाका कारण रहस्यमय ढंगले बेपत्ता भएको हुनसक्ने सम्भावना अति नै न्यून रहेको र चालक जहारी अहमद शाहले उदेश्यपूर्ण हिसावले विमान पड्काएको जनाएका छन् । आत्महत्या गर्ने उद्धेश्यले पाइलटले चालकदलसहित २३९ यात्रुको ज्यान लिएको विज्ञहरुले बताएका छन् ।

चालक जहारीले विमान हराएपछि नभेटियोस् भन्नका लागि जानीजानी केही घण्टाअघि राडार बन्द गरेको तथ्य फेला परेको जानकारहरुले बताएका छन् । विज्ञहरुका अनुसार शाहले राडारले पत्ता नलगाओस् र विमान कुनै दुर्गम स्थानमा दुर्घटना भएको देखाउनका लागि धेरै पटक विभिन्न प्रकारको गतिहरुको प्रयोग गरेका थिए । साथै सैनिक राडारले समेत थाहा नपाओस् भनेर उनले थाइल्याण्ड र मलेसियाको सीमामा धेरै पटक विभिन्न दिशामा उडाएका थिए ।उनले अन्तिम बिदाईका लागि आफ्नो घरमाथिबाट पनि विमानलाई मोडेका थिए ।

विमान दुर्घटनाका एक अन्वेषक ल्यारी भान्सको विचारमा चालकले आत्महत्या गर्न चाहेको र यात्रुवाहक विमानलाई सदाका लागि बेपत्ता बनाउन सकेसम्म दुर्गम स्थानतर्फ लगेको र दुर्भाग्यवश उनले २३९ यात्रुको पनि ज्यान लिँदै थिए, र अन्त्यमा जानीजानी लिई पनि छाडे ।

अष्ट्रेलियाका पूर्व यातायात सुरक्षा ब्यूरो प्रमुख मार्टिन डोलनले भने, ‘यो योजनावद्ध थियो, नियोजित थियो र धेरै समय लिएर योजनावद्ध हिसाबले घटनालाई मूर्तरुप दिइएको थियो ।’ उज्जलो अनलाइन बाट