प्रचण्ड र इजराइलका राजदूत बोनी आमेरबीच भेटवार्ता
काठमाडौं । माओवादी केन्द्रका अध्यक्ष पुष्पकमल दाहाल प्रचण्डसँग इजराइलका राजदूत बोनी आमेरले भेट गरेका छन् । मंगलबार विहान प्रचण्ड निवास खुलमलटारमा भएको भेटमा दाहालले कृषि क्षेत्रमा इजरायलले गरेको प्रगति नेपालको आर्थिक समृद्धिका लागि अनुकरणीय हुने बताए ।
उनले भने, ‘नेपालको आर्थिक समृद्धि कृषिमा आधारित उद्योगको विकासबाटमात्र संभव छ र त्यसमा इजराइलको प्रविधि हाम्रा लागि महत्वपूर्ण हुन्छ।’ उनले कृषिमा आधारित उद्योगलागि आफूहरु इजराइलसँग प्राविधिक सहकार्य गर्न इच्छुक रहेको बताए। ‘इजराइलको कृषि क्षेत्रको प्रगति हाम्र लागि प्रेरणका स्रोत हुन्,’उनले भने।
इजराइलका राजदूत आमेरले आफूहरु नेपालको कृषि क्षेत्रको विकासमा सहयोग गर्न तयार रहेको बताएका थिए। उनले भने, ‘मौरी पालन, फलफूल र तरकारी खेती हाम्रा प्राथमिकतामा छन् । यो क्षेत्रमा हामी नेपाली किाससँग सहकार्य गर्न इच्छुक छौं।’ सिकौं र कमाऔं भन्ने इजराइलको नीति रहेको उल्लेख गर्दै राजदूत ओमेरले नेपालमा व्यवसायिक तालिम केन्द्र खोल्न आफूहरु तयार रहेको बताएका थिए।