-दावा घिसिङ तामाङ

काठमाडौं स्थित बसुन्धारामा रहेको मोभिरा म्यानपावरबाट रोजगारको शिलशिलमा मलेसिया पुगेकी मिनसाङ तामाङ ( माया बम्जन ) लाई तामाङ समाज मलेसियाले उपचारको लागि आर्थिक सहयोग गरेका छन् ।

आर्थिक अबस्था कमजोर भएको बोम्जन रोजगारका लागि मलेसियाको Knil Textiles MFG Sdn BHD कम्पनीमा गएको थियो । तर रोजगारमा गएको ४ महिनामा नै बिरामी परेर थला परेको बम्जनलाई उपचारको समस्याले नेपाल फर्कनु परेको थियो ।

मलेसियामा उपचार गर्न नसकेर नेपाल फर्केकी बम्जनलाई तामाङ समाज मलेसियाले सामुहिक रुपमा संकलन गरेको मलेसियान १००९ रिङ्गेट अर्थात नेपाली रु. २७२५० उपचार गर्न सहयोग गरेको संस्थाका वरिष्ठ उपाध्यक्ष राजेन्द्र वाईबा तामाङले तामाङ अनलाईन डटकमलाई जानकारी दिनुभएको छ ।

सामाजिक सञ्जालबाट पिडित बम्जनले अपिल गरेपछि सो संस्थाका वरिष्ठ उपाध्यक्ष राजेन्द्र वाईबा तामाङको पहलमा आर्थिक संकलन गरि सहयोग गरिएको हो ।

ई.स २००५ मा स्थापना गरिएको संस्था हाल महिलाले नेतृत्व गरिएको छन् यो संस्थाले विगतको दिन देखि नै विभिन्न समस्यामा परेका व्यक्तिहरुलाई सहयोग गर्दै आईरहेका छन् ।

पीडित बम्जनलाई मलेसियाबाट उद्दार गर्नका लागि इजरायलमा कार्यरत शरिन तामाङको अनुरोधमा नेपाल म्हार म्हेन्दो तामाङ कलाकार मलेसियाका अध्यक्ष फुर्वा दोर्जे मोक्तानले कम्पनीलाई तिर्नुपर्ने जरिबाना १८५० रिङगेट लेबि र टिकट ८००रिङ्गेट गरि २६५० रिङ्गेट तिरेर मात्र उद्दार गर्न सकेको उपाध्यक्षले बताउनु भयो ।

संस्थाका पुर्व केन्द्रिय अध्यक्ष चक्र तामाङ केन्द्रीय सदस्य वाङ्जु वाईबा तामाङको उपस्थितमा हस्तान्तरण गरिएको थियो । तामाङ समाज मलेसियाले यस्तै पिडितलाइ सेवा गर्न पाउँदा एकदमै हार्षित भएको र तामाङ समाज परिवारले पिडित माया बम्जनको स्वास्थ लाभको कमान गरिएको बताएका छन् ।