नेपाल आदिबासी जनजाति महासंघ यूएईले जनजातिहरूको पहिचान, अधिकार, संघियता  कार्यक्रम सम्पन्न गरेको छ ।

“प्रदेश नामकरणमा पहिचानको महत्व, सम्भावना र चुनौति, स्थानीय स्वायत्तता मार्फत प्राप्त हक र अधिकार बुझ्दै उठौ आदिबासी जनजाति” भन्ने मूलनारा रहेको अन्तरक्रिया कार्यक्रममा आदिवासी जनजाती विज्ञ, राजनीतिक विश्लेषक, लेखक, वेस्टर्न मिचिगन युनिभर्सिटी अमेरिकामा राजनितिशास्त्रका प्राध्यापक तथा आदिवासी जनजाति अभियन्ता डा. महेन्द्र लावती लिम्बु प्रमुख अतिथि तथा प्रमुख वक्ता थियो ।

कार्यक्रमको सभापति महासंघका बरिष्ठ उपाध्यक्ष सुरेन्द्र थिङले गर्नुभएको थियो । बिशेष अतिथिहरुमा महासंघका प्रमुख संरक्षक तथा निबर्तमान अध्यक्ष डेर राज गुरूङ र संरक्षक तथा तामाङ समाज यूएईका अध्यक्ष महेश मोक्तान, त्यस्तै अतिथिहरूमा महासंघ आबद्ध ११ जातीय संस्था प्रमुखहरू, पदाधिकारीहरू तथा सदस्यहरूको उपस्थिति रहेको थियो ।

कार्यक्रमको पहिलो चरणमा महासंघका प्रमुख संरक्षक तथा निबर्तमान अध्यक्ष डेर राज गुरूङले स्वागत मन्तब्य राख्दै अन्तरक्रिया कार्यक्रमको बिषय प्रबेश गर्नु भएको थियो । त्यस पछि डा. लावतीले जनजातिहरूको पहिचान र अधिकारका मूलभूत मुद्धाहरू, धर्मनिर्पेक्षिता, संघियता, नेपालको संबिधान, संबिधान संसोधन, प्रदेश बनावत, स्वायत्तता, दिगो आर्थिक बिकास, शिक्षा, दक्ष जनशक्ति, समृद्धि, नेपाली राजनीति, राजनैतिक दलहरू जस्ता गहन बिषयहरूमा आफ्ना मन्तब्य राख्नु भएको थियो ।

कार्यक्रमलाई औपचारिक रूपमा संचालन गरेका महासंघका महासचिब सनिल घिसिङले कार्यक्रमको दोस्रो चरणमा हलमा उपस्थित जातीय संस्थाका प्रतिनिधिहरूलाई प्रश्न-उत्तर तथा दोहोरो अन्तरक्रियाको लागि सभा-खुल्ला गरेका थिए । डा. लावतीले टिकापुर घट्ना, जनजाति आन्दोलन, जनजाति महिला शसक्तिकरण, जातीय द्वन्द्व, प्रदेश बनावत, संघियता, धर्मनिरपेक्ष, जातीय बिभेद, जनजाति पहिचान तथा अधिकारका बिषयहरूमा सोधिएका प्रश्न तथा जिज्ञासाहरूमा आफ्ना भनाईहरु राख्नुभएको थियो ।

महासंघमा तमु, तामाङ, मगर, राई, लिम्बु, नेवा, शेर्पा, थारू, भुजेल, माझी र सुनुवार गरी ११ जातीय संस्थाहरू आबद्ध छन ।