तेलअविव | इजरायलमा नेपाली नयाँ बर्ष सांगीतिक साझ २०७५ को लागि नेपाल आइडलका मुख्य तीन कलाकार नेपाल आइडल बुद्ध लामा, दोश्रो निशान भट्टराई र तेश्रो प्रताप दासका साथमा कार्यक्रम संचालक सुशील नेपाल इजरायल आईपुगेका छन् |

वहाँहरुलाई स्वागतको लागि बेन्गुरियन एयरपोर्ट तेलअविवमा एनआरएनए इजरायलका महासचिव तेन्जिन शेर्पा,संरक्षक बिशाल ज्ञवली,भूपू अध्यक्ष दिपक प्रसाद वली लगायतका पदाधिकारीहरु र विभिन्न संस्थाका प्रतिनिधिहरु पुगेका थिए |

गैर आवासिय नेपाली संघ राष्ट्रिय समन्वय परिषद इजरायलको मुख्य आयोजना तथा आदिबासी जनजाती महासंघ इजरायलको आयोजना र इजरायल स्थित संघसंस्थाहरुको सहआयोजकतवमा  २० अप्रिल अर्थात् भोलि (शुक्रबार) तेलअविव युनिभर्सिटिको हल कार्यक्रम हुन गईरहेको  छ |

इजरायलमा रहेका नेपालीहरुका लागि आईपर्ने आपतकालीन अवस्थाका लागि सहयोगार्थ कोष वृद्धि गर्न उक्त कार्यक्रम गर्न लागेको हो |