हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

रिक्सा चलाएरै तामाङले काठमाडौंमा घर बनाए ,छोरालाई स्टुडेन भिसामा अस्ट्रेलिया पठाए

भनिन्छ, ‘एउटै काममा निरन्तर लागिरह्यो भने एक दिन अवश्य सफल भइन्छ ।’ यो भनाइलाई चरितार्थ गरेका छन्, राजधानीको ठमेल क्षेत्रका रिक्साचालक लालबहादुर तामाङले । उनले रिक्साकै कमाइले काठमाडौंमा घर बनाए । छोराछोरी पढाए । छोरालाई स्टुडेन्ट भिसामा अस्ट्रेलिया पठाए । २२–२३ वर्षको उमेरदेखि रिक्सा चलाउन थालेका उनी सात दशक कटिसके अर्थात् ७१ वर्षका भए । तैपनि, उनमा जोश र जाँगर उस्तै छ ।

लालबहादुरको घर काभ्रेको कोसीपारीस्थित सानो शैलुङ हो । आजभन्दा करिब ६ दशकअघि उनको गाउँमा कुनै विद्यालय थिएन । अलि टाठा–बाठाका छोरा–छोरीहरू काठमाडौं आउँथे । गाउँको सामान्य खेती–किसानी परिवारमा जन्मिएका र सामान्य चेतनास्तर भएको परिवारका लालबहादुरले काठमाडौंसम्म आएर पढ्ने कुुरै भएन । भन्छन्, ‘पढ्न काठमाडौं आउनुपथ्र्यो । म आइनँ ।’

लालबहादुरको १७ वर्षको उमेरमा गाउँकै युवतीसँग विवाह भयो । दुई छोरा भए । तर, दुर्भाग्य श्रीमतीसँगै दुवै छोरा बिते । पुराना दिन सम्झँदै उनी भन्छन्, ‘सबै बितेपछि त साह्रै नै पिर लाग्यो ।’ त्यसको एक दशकपछि अर्थात् २७ वर्षको उमेरमा लालबहादुरले अर्को विवाह गरे । ‘काठमाडौंमा गरिखाइरहेको यत्तिको केटाले पाल्छ भनेर मलाई पुनः कन्नेकेटी दिए । मेरा आमा–बुवाकै पहलमा हो,’ रमाइलो मान्दै लालबहादुरले भने । अहिले उनका तीन छोरी र एक छोरा छन् । लालबहादुरका छोराले काठमाडौंमै एमए गरे । उनले आफूसमान पढेकी बुहारी भित्र्याए ।

उनीहरूले लालबहादुरलाई एक नाति उपहार पनि दिइसकेका छन् । भन्छन्, ‘छोरा स्टुडेन्ट भिसामा पढ्न भनेर अस्ट्रेलिया गएको हो । अहिले उतै स्थापित भएको छ ।’ लालबहादुरका नाति ६–७ महिनाका भए । तर, प्रत्यक्ष देख्न भने पाएका छैनन् । भन्छन्, ‘बोकौँ–बोकौँलाग्दो नाति छ । फोटोमा मात्र देख्न पाएको छु । प्रत्यक्ष देख्न पाए हुन्थ्यो भन्ने चाहना छ ।’

लालबहादुरका छोरा मात्र होइन, तीन छोरीमध्ये सबै शिक्षित छन् । बिए पढेकी जेठी छोरीको बिहे भइसक्यो । माइली छोरी २५ वर्षकी भइन् । बिएसम्म नै पढेकी उनी अहिले पसल चलाएर बस्छिन् । कान्छी छोरी १९ वर्षकी भइन् । १२ कक्षा पढ्दै छिन् । रिक्साचालक भएकोमा गर्व गर्दै लालबहादुर भन्छन्, ‘छोरालाई स्टुडेन्ट भिसामा बाहिर पठाउने र छोरीहरूलाई पढाइदेखि व्यवसायसम्म गराउने पनि यही रिक्सा हो ।’

लालबहादुरले सुरुमा काठमाडौं आएर टेकुमा ठेलारिक्सा चलाए । त्यहाँ १४–१५ वर्ष चलाएपछि ठमेलतिर रवाना हुँदै पाइडलवाला रिक्सा चलाउन थाले । उनी साहुको रिक्सा चलाउँछन् । आफ्नै रिक्सा चलाउने कुनै सोच छैन । रिक्साकै कमाइले लालबहादुरले कपनमा जग्गा किने । घर बनाए । अब अर्को तल्ला थप्ने योजनामा छन् । ‘अब त छोराले पनि अस्ट्रेलियाबाट पैसा पठाउँछ । अर्को तला थप्न के गाह्रो भयो र ।’

झन्डै पाँच दशकदेखि लालबहादुरले ठमेललाई नियालिरहेका छन् । यसबीचमा ठमेल क्षेत्रमा व्यापक परिवर्तन आएको उनी बताउँछन् । भन्छन्, ‘पहिले–पहिले थोरै पर्यटक आउँथे, आजकल त धैरै आउन थालेका छन् । त्यस्तै, लगभग विश्वभरिका पर्यटक आउँछन् ।’ उनीहरूले एक–दुई डलर टिप्सस्वरूप दिए भने पनि यहाँको एक–दुई सय त लालबहादुरले त्यत्तिकै कमाइरहेका हुन्छन् । टिप्सबाहेक पनि कम्तीमा दिनको हजारदेखि १५ सयसम्म कमाउने उनी बताउँछन् ।

दैनिकी ठमेलमै बिताउने लालबहादुर आफूले ठमेल क्षेत्रका व्यापारी, पुलिसदेखि नेतासम्म चिनेको दाबी गर्छन् । प्रफुल्लित हुँदै उनी भन्छन्, ‘यहाँ मैले नचिनेको साहु कोही छैन । ट्राफिकदेखि होटेलका म्यानेजर सबै चिन्छु ।’ थप्छन्, ‘गणेशमान सिंहकी छोरीले काठमाडौं गेस्ट हाउस बनाइन् । उनीसँग चिनजान छ । गफगाफ पनि गरेको छु ।’ लालबहादुर सुरुका दिनमा ठमेल आउँदा त्यो क्षेत्र सभ्य थियो । बिहान ९ बजेदेखि बेलुका ५–७ बजेसम्म ठमेल क्षेत्रमा बिताउने उनी धेरैथोक देख्छन् । भन्छन्, ‘भनेरै साध्य छैन । हरेक कुरा देखिन्छ ।’ विदेशी पर्यटकलाई ठग्ने जमातप्रति उनको गुनासो छ । एक कक्षा पनि नपढेका लालबहादुर इंग्लिससँगै जापानिज, चाइनिज भाषा पनि फाट्टफुट्ट बोल्ने बताउँछन् । भन्छन्, ‘मलाई यो कला पनि रिक्साले दिलाएको हो । गेस्टहरूले मलाई माया गर्छन् । कतिपयले त हामीसँग विदेश जाउँ पनि भन्छन् ।’

लालबहादुरलाई छोराले अब काम नगर्नु भनेर प्रेसर दिन्छन् । तर, उनी काम नगरी बस्दा आफू बिरामी नै हुने गरेको बताउँछन् । ‘छोराको कुरा मानेर एकपटक पाँच दिनजति त्यसै बसेको बिरामी नै भएँ,’ उनले भनेको नयां पत्रिकामा छ |






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution