सिरियाली सरकारले रासायनीक हतियार लुकाएको भन्दै अमेरिका नेतृत्वको सेनाले सिरियामाथि अाक्रमण गरेको छ।

अमेरिका, बेलायत र फ्रान्सले सिरियामा हवाइ अाक्रमण गरेको अन्तर्राष्ट्रिय सञ्चार माध्मयहरूले जनाएका छन् ।

शुक्रबार अबेर रातमा सिरियाको राजधानी सहर दमास्कस र यसको वरपरका क्षेत्रहरुमा आक्रमणका आवाजहरु सुनिएका छन्। ती सैन्य आक्रमणहरुले सिरियाली सरकारी कार्यालय र राष्ट्रपतीय कार्यालय वरपरका क्षेत्रहरुलाई लक्ष्य बनाएका छन्।

विशेषगरी सिरियाली राजधानीमा सुरु भएको यो आक्रमण अमेरिकी नेतृत्वमा भएको न्यूयोर्क टाइम्सले जनाएको छ। अमेरिकी राष्ट्रपति डोनाल्ड ट्रम्पले सिरियाली राष्ट्रपति बसर अल असादले गत साता दमसास्क नजिकैका क्षेत्रमा रासायनीक हतियारको प्रयोग गरी अाक्रमण गरेको अारोप लगाएको साता दिनमै अमेरिकी नेतृत्वको सेनाले हवाइ अाक्रमण गरेको हो।

अमेरिकी राष्ट्रपति डोनाल्ड ट्रम्पले सिरियामा हमलाका लागि आफूले अनुमोदन गरेको जानकारी दिएका छन्। उनले डुमामा सिरियाले रासायनिक हतियार राखेर आक्रमण गरिरहेकोले सो हतियार रहेको भण्डारणमा हमला गरेको बताए।

उनले आफूहरुलाई बेलायत र फ्रान्सले पनि साथ दिएको र संयुक्त सेनाले सो हमला गरेको जानकारी गराएका छन्। यी तीन देशका सेनाले संयुक्त रुपमा आक्रमण थालेका विश्वका बीबीसीले जनाएको छ।

आक्रमण शुक्रबार मध्यरातबाट सुरू भएको थियो। अाक्रमणको क्षतीको विवरण प्राप्त भइसकेको छैन्।

सिरियाली राष्ट्रपति असदको सरकारले रासायनिक हतियार कहिल्यै प्रयोग नगरेको दाबी गर्दै अाएको छ। गत शनिबार डुमामा विद्रोहीहरुले जालसाजी गरेर उक्त घटना गराएको बताएको सरकारले दाबी गरेको छ।

सरकारले उसको सम्पूर्ण रासायनियक अस्त्र निर्माणगृह सन २०१३ को आक्रमणलगत्तै अमेरिका र रुसले गरेको मध्यस्थतापछि ध्वस्त पारेको बताउँदै अाएको छ। त्यसपछि स्नायुप्रणालीमा असर पार्ने सरिन तत्व भरिएको रकेट दमास्कस शहरबाहिर रहेका विपक्षी नियन्त्रित क्षेत्रमा प्रहार गरिएको थियो जसबाट सयौं मानिस मारिएका थिए।

तर रासायनियक अस्त्रविरुद्धको राष्ट्रसंघीय निकाय ओपीसीडब्लुले त्यसपछि भएका चारवटा रासायनिक अस्त्र आक्रमणमा सरकारको संलग्नता रहेको बताएको छ। त्यसमध्ये एप्रिल २०१७ मा विद्रोही नियन्त्रित नगर खान शेखुनमाथि भएको आक्रमण पनि एक हो। त्यस आक्रमणमा पनि सरिन प्रयोग गरिएको थियो र ८० जनाको ज्यान गएको थियो।

यसैबीच अमेरिकी नेतृत्वको सेनाले १०० वटा मिसाइल सिरियामा पठाएको थिए। दामस्कसले ती मध्ये १५ वटालार्इ खसालेको अन्य केहीलार्इ डाइभर्ट गरिदिएको फार्स न्यूजले जनाएको छ। सिरियामाथिको अाक्रमणलार्इ नाटोले समेत स्वागत गरेको छ।

यसैबीच सिरियामा अमेरिकी अाक्रमणपछि सडकमा सर्वसाधरणहरू सरकारको समर्थनमा उत्रिएको समाचारमा उल्लेख छ। सडकमा उत्रिएका सर्वसाधारणले सिरियाँसँग रूस र इरानको झण्डा समेत फहराएका छन्।

रूसले दियो तेस्रो विश्वयुद्धको चेतावनी

अाक्रमणले तेस्रो विश्वयुद्ध निम्त्याउने रूसले चेतावनी दिएको छ। रूसी समाचार एजेन्सीले यसले ठूलो युद्ध निम्त्याउने र तेस्रो विश्वयुद्धको रूप धारण गर्न सक्ने भन्दै रूसी रक्षा मन्त्रालयलार्इ उदृत गर्दै सभाचार प्रकाशित गरेको छ।

रूसी रक्षा मन्त्रालयले अमेरिकी अाक्रमण सर्वसाधरण नागरिकी माथि भएको र भौतिक संरचनालार्इ लक्षित गरिएको बताएको छ।

दुष्परिणाम निम्तिने इरानी चेतावनी

यसैबीच इरानले अाक्रमणको निन्दा गरेको छ। उसले अाक्रमणले क्षेत्रीय दुष्परिणाम निम्त्याउने चेतावनी दिएको हिज्बुल्लाहको अल-मनार टेलिभिजनले जनाएको बीबीसीमा समाचार छ।

समाचार संस्था एएफपीले इरानी विदेश मन्त्रालयका प्रवक्तालाई उद्धृत गर्दै भनेको छ, ‘संयुक्त राज्य अमेरिका र उसका साझेदार मुलुकहरूसँग कुनै प्रमाण छैन र उनीहरूले रासायनिक अस्त्र नियन्त्रणसम्बन्धी निकाय (ओपीसीडब्ल्यू) ले धारणा नबनाउँदै आक्रमण गरेका छन्। र, उनीहरू क्षेत्रीय दुष्परिणामका लागि जिम्मेवार छन्।’

सिरिया इरानको मित्र राष्ट्र हो। पहिलो पोस्ट