जापानमा युवतीको लागि नेपाली द्वारा नेपालीमाथिनै छुरा प्रहार
जापानमा नेपालीहरुको आपराधिक घटनामा संलग्नता बढिरहेको प्रसंग चलिरहेकै बेला फेरि त्यस्तै घटना सार्वजनिक भएको छ ।
फुकुओका सहरमा अवस्थित एक मन्दिर परिसरमा युवतीको विषयलाई लिएर अर्का एक नेपाली युवक माथी छुरा प्रहार गरी हत्या गर्न खोजेको आरोपमा प्रहरीले नेपाली युवकलाई पक्राउ गरेको छ ।
केवाइटी टेलिभिजनको फुकुओका प्रशारण अनुसार पक्राउ पर्नेमा नेपाली युवक फुकुओकाको हिगासी कुमा बस्ने र जिस्यो सेन्मोन स्कुलमा पढ्ने २२ बर्षका बिनोद बास्तोला रहेका छन् ।
प्रहरीका अनुसार ति दुई युवकहरुले एक अर्कालाई नचिनेपनि दुबै जनाले चिन्ने एक युवतीको बिषयलाई लिएर विवाद भई यो घटना घटेको हुनसक्ने बताईएको छ । तर पक्राउ परेका बास्तोलाले भने आफुले मार्ने उदेश्यले आक्रमण नगरेको प्रहरीलाई बयान दिएका छन् ।
यहि बिहिबार दिउँसो ५ बजेतिर भएको घटनामा घाइते अवस्थामा रहेका नेपाली बिद्यार्थीको टाउकोमा गम्भीर चोट लागेको तर उनी जोखिममा नरहेको बताइएको छ । प्रहरीले यस घटनाको बारेमा थप अनुसन्धान गरिरहेको समाचारमा उल्लेख छ ।
पछिल्लो समयमा नेपालीहरु संलग्न रहेका आपराधिक घटनामा बृद्धि हुन थालेको कारण नेपालीहरुलाई हेर्ने जापानीहरुको दृष्टिकोण बदलिएको अग्रजहरु बताउँदछन् ।