काठमाडौं । पछिल्लो समय बलात्कार तथा हत्याका घटना बढिरहेको बेला अर्को एउटा डरलाग्दो घटना सार्वजनिक भएको छ । नुवाकोट बेलकोटगढी नगरपालिका–७ का प्रकाश तामाङले चक्कु प्रहार गरि श्रीमतीको हत्या गरेका छन् । प्रहरीले श्रीमती नमुना लामाको हत्याको अभियोगमा तामाङलाई शुक्रबार राती पक्राउ गरेको छ ।

महानगरीय अपराध महाशाखाले काठमाडौंको चन्द्रागिरी नगरपालिकास्थित नैकापमा विगत १० दिनदेखि दिदीको कोठामा बस्दै आएकी लामाको हत्या अभियोगमा तामाङलाई धादिङको गल्छी गाउँपालिकास्थित तल्लोडिलबाट पक्राउ गरेको हो । प्रहरीका अनुसार विवाद बढ्दै जाँदा शुक्रबार प्रकाशले लामाको हत्या गरेर फरार भएका थिए ।

यसरी भयो हत्या

घटना हुने दिन प्रकाशले नमुनालाई घर लैजान आउँछ । नमुना नजिकै रहेको कुवामा लुगा धोएर आईपुग्छिन् । लुगा सुकाउँदै गर्दा पनि उसले घर जान कर गर्दछ । तपाई विदेश जानुहोस् विदेश जानुभयो भने ड्रग्सबाट छुट्कारा पाईन्छ भन्ने कुरामा नमुनाले जिद्धि गर्छिन ।

यदि विदेश जानुभयो भने म गाँउ जान्छु र सासु ससुराको स्यारसुसार गर्दछु भन्छिन् । यता प्रकाशले म विदेश जान्न तिमी घर जानैपर्छ भन्ने कुरामा जिद्धि गर्छ । नमुना पनि आफ्नो कुरामा अडानमै रहन्छिन् । प्रकाश हातमा नेलकटर लिएर खेलाईरहेको हुन्छ र रिसले चुर हुँदै भन्छ, ‘तँ नजाने भए म यहि नेलकटरले हानेर मारिदिउँ भन्छ ।’

यता नमुना पनि किन नेलकटरले हान्ने भित्र छुरी छ त्यसैले हान्नुन भन्छिन् । नभन्दै प्रकाश भित्र जान्छ र दिदिको भान्छा कोठाबाट छुरी लिएर आउँछ र तीन पटक कोखामा प्रहार गर्दछ यतिकैमा उनको प्राण जान्छ र प्रकाश त्यहाँबाट फरार हुन्छ । (महानगरिय प्रहरी प्रभाग थानकोटका प्रहरी निरिक्षक बावुराम पोखरेलका अनुसार)

हत्या हुनुभन्दा एकहप्ता अघि मात्रै नुवाकोटबाट नैकाप आएको लामाको भिनाजु अमृत गुरुङले बताए । प्रकाशले नशालु पदार्थ सेवन गर्ने गरेको र यसअघि पनि मार्ने प्रयास गरेको उनले बताए । मृतकको साढे तीन बर्षको एक छोरा रहेको बताईएको छ । प्रहरीले घटनाबारे थप अनुसन्धान भइरहेको जनाएको छ ।

१८ चैत्र २०१८