हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

अनिश खालिङ बचाउन संकलित ‘ब्लडमनी’को कथा : साढे तीन करोडको लफडा

काठमाडौं, युएईको जेलमा परेका अनिश खालिङलाई बचाउन संसारभरका नेपालीले संकलन गरेको करोडौंको रकमको हिसाव किताव खोजी हुन थालेपछि अहिले अनिश खालिङ आफै र उहाँको नाममा स्थापित अनिश प्रतिष्ठान संस्था दुवै विवादमा परेका छन् ।

युएईमा एक पाकिस्तानीलाई मारेको अभियोगमा मृत्युदण्डको फैसला सुनाइएका अनिश खालिङ राईलाई चाहिने ब्लडमनी जुटाउन ३ वर्षअघि विश्वभरबाट झण्डै ७० हजार जनाले सहयोग गरेका थिए । अनिश खालिङ राई बचाउ अभियान चलाएर ब्लडमनीका लागि चाहिने रकम संकलन गर्न थालेपछि चाहिने ८० लाख रुपैयाँ भन्दा ४ गुना बढी रकम संकलन भएको थियो ।

तर, संकलन भएको रकम ब्लडमनीका रुपमा तिर्नु अघि नै कसैले गुपचुप अनिशको तर्फबाट पाकिस्तानीलाई पुरै रकम तिरि दियो । अभियानको कोषमा जम्मा भएकोमध्ये ८० लाख रुपैयाँ सरकारी खातामा र २५ लाख रुपैयाँ अनिललाई पुनर्स्थापित गर्न खर्च भयो ।
बाँकी रकम अनिशकै नाममा प्रतिष्ठान दर्ता गरेर संस्थालाई हस्तान्तरण गरिएको थियो । संस्थाले दिएको जानकारी अनुसार अभियानका क्रममा ३ करोड २९ लाख ९३ हजार ६०९ रुपैयाँ १४ पैसा संकलन भएको थियो ।

त्यो पैसा प्रतिष्ठानमा नै छ भन्ने विश्वास धेरैको छ । तर हिसाव किताव के भयो, कति पुग्यो भन्ने चाहिँ धेरैलाई जानकारी छैन । स्वयं अनिशलाई पनि आफ्नो नाममा उठेको सहयोग रकम कहाँ छ र त्यसको हिसाव किताव के कस्तो छ भन्ने प्रष्ट थाहा छैन ।

गएको चैत १७ गते संखुवासभाको चिचिला गाउँपालिका ४ मत्स्यपोखरीस्थित घरमा उज्यालोसित कुरा गर्दै अनिशले भन्नुभयो, ‘पब्लिकले खोजेको स्पष्ट हिसाबकिताब हो भन्ने मैले बुझिसकेको छु । तर बाध्यताले गाउँ बस्नु परेको छ । अनि उता (संस्थामा) के भइरहेको छ भन्ने उत्तर दिनै गाह्रो

संस्थाको कार्यसमितिमा को को थपिए र फेरिए भन्ने जानकारी पनि अनिशलाई छैन । विश्वासका भरमा आफूले संस्थाको समितिलाई कारोबार गर्न छाडेको भन्दै उहाँको भन्नुभयो, ‘भाइरल भएपछि म पनि तातिएको छु । दायाँबायाँ नहोस है भनिरहेको छु ।’

करोडौं रकमको हिसाव किताव खोजी हुन थालेपछि प्रतिष्ठानले गएको माघ १६ गते विज्ञप्ती जारी गरेर हिसाबकिताब त देखायो, तर धेरैले त्यसमा चित्त बुझाएका छैनन् । त्यसैले अहिले पनि संस्थामा भएको त्यो रकमको हिसाबकिताब खोजी भैरहेको छ । आफ्नै नाममा स्थापित भएकोले अनिश संस्थाको संरक्षक हुनुहन्छ । समितिमा आफूले रकमको कारोबार पारदर्शी बनाउने र बैंक स्टेटमेन्ट सार्वजनिक गर्ने कुरा गरेको उहाँले बताउनुभयो ।


अनिश भन्नुहुन्छ ‘मलाई पनि शंका केमा लाग्यो भने समितिले दातालाई बैंक स्टेटमेन्ट देखाएको छैन । गरेको सहयोग रकम कहाँ कहाँ खर्च भयो भन्ने खुलाउनु पर्ने हो । अहिले तीन करोड रुपैयाँ छ जस्तो लाग्छ मलाई । ब्याजले गर्दा तलमाथि भयो होला ।’
एक पाकिस्तानी नागरिकको हत्यापछि अनिश झण्डै ३ वर्ष युएईको जेलमा बस्नुभयो । मृतक पाकिस्तानी नागरिकका परिवारलाई अनिसले ३ लाख ५ हजार दिर्हाम ब्लडमनी तिर्नुपर्ने अदालतले फैसला गरेको थियो । पाकिस्तानी नागरिकका परिवारले ब्लडमनी स्वीकार गरेपछि जेलमुक्त हुने अवसर उहाँले पाउनुभयो ।
वैदेशिक रोजगार प्रवर्द्धन बोर्डका कार्यकारी निर्देशक रघुराज काफ्लेलाई ब्लडमनीका लागि उठेको मध्येबाट ८० लाख ५९ हजार ९५० रुपैयाँ हस्तान्तरण गरिएको थियो । तर त्यो पैसा खर्च हुन पाएन । अनिशले तिर्नुपर्ने ब्लडमनी युएईकै कोही अपरिचित ‘महाजन’ले तिरिदिए ।

२०७२ असार २३ मा उहाँ नेपाल आउनुभयो । उठेको रकमबाट २५ लाख रुपैयाँ पुर्नस्थापनाका लागि अनिशलाई दिइयो । दाताले अहिले सरकारी कोषमा गएको र अनिशले पाएको बाहेक बाँकी रहेको सरदर तीन करोड रुपैयाँको हिसाबकिताब खोजेका छन् ।

अनिश नेपाल फर्केपछि अभियानलाई प्रतिष्ठानका रुपमा रुपान्तरण गरिएको थियो । प्रतिष्ठानले केही महिना अघि विज्ञप्ती जारी गरेर अभियानमा बाँकी रहेको २ करोड ३६ लाख १७ हजार १३० रुपैयाँ प्राप्त भएको जनाएको छ । प्रतिष्ठानले देशभित्र र विदेशमा रहेका पीडितलाई गरेको सहयोग रकम पनि उल्लेख गरेको छ । तर बाँकी साँवाब्याज कति पुग्यो, त्यो कुन बैंकको खातामा छ भन्ने कुरा खुलाइएको छैन ।

प्रतिष्ठानका उपाध्यक्ष अम्बर खालिङ राई त्यो रकम काठमाडौंको चावहिलमा रहेको सानिमा बैंकको खातामा रहेकोे बताउनु हुन्छ । ‘ब्लडमनी तिरेपछि बाँकी रहेको रकम सरकारी स्वामित्वमा आउनुपर्ने भनियो’ राईले भन्नुभयो, ‘भविष्यमा वैदेशिक रोजगारीका क्रममा पीडित भएकालाई सहयोग गरौं भने प्रतिष्ठान बनाइएको हो ।’
अनिश खालिङ बचाउ अभियान कतारका संयोजक रहेका किशोर सुनुवारले अभियानका क्रममा उठेको पैसा अनिशजस्तै पीडितको सहयोगमा खर्च गरिनुपर्नेमा प्रतिष्ठानमा स्थानान्तरण गर्नु अभियानको मर्म र कानुन विपरित हुने दावी गर्नु भएको छ ।

रकम स्थानान्तरण गर्नकै लागि २०७२/७३ सालमा जिल्ला प्रशासन कार्यालय ललितपुरमा प्रतिष्ठान दर्ता गरिएको थियो । अघिपछि पनि ब्लडमनी र अन्य आर्थिक सहायताका लागि बिभिन्न अभियानहरु सञ्चालन हुने गरेका छन् । तर चाहिने पैसा उठेपछि अभियान रोक्ने चलन छ । ब्लडमनीका लागि उठाइएको रकम खर्च हुन नसकेपछि प्रतिष्ठान बनाएर रकम स्थानान्तरण गरिएको सम्भवतः यो पहिलो घटना हो । रीतु थेबे/उज्यालो ।

२२ चैत्र २०७४






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution