काठमाडौं – १८ दिनअघि पक्राउ परेका गणेश लामाको साथबाट बरामत पेस्तोल र होटेलमा भेटिएको गोलीको खोका म्याच भएको छ।

गोली चलेको आवाज सुनेपछि प्रहरी पुगेर हेर्दा लामाको हातबाट पेस्तोल बरामत भएको थियो।

घटनास्थलमा भेटिएको गोलीको खोका सोही पेस्तोलबाट फाएर भएको ल्याव परीक्षणमा देखिएको महानगरीय प्रहरी परिसर काठमाडौंका प्रमुख एसएसपी विश्वराज पोखरेलले बताए।

‘लामाको साथबाट बरामत पेस्तोल र गोलीको खोका एउटै भएको देखियो,’ एसएसपी पोखरेलले भने।

१८ दिनदेखि महानगरीय प्ररही परिसर टेकुको हिरासतमा रहेका लामाले उक्त पेस्तोल आफ्नो नभएको बताउदै आएका छन्।

लामाले आफूलाई गोली हान्न आएका युवाबाट पेस्तोल खोसेको बयान प्रहरीलाई दिएका छन्। सेतोपाटिबाट

१८ चैत्र २०७४