साईप्रसमा नेपालीका लागि ‘सेफ हाउस’ स्थापना हुने
निकोसिया–साईप्रसमा पहिलोपटक नेपालीहरुका लागि सेफ हाउस (सुरक्षीत घर) स्थापना हुने भएको छ ।
साईप्रसमा रहेका नेपाली समुदायहरुलाई आइपर्ने समास्यालाई मध्यनजर गर्दै नेपाली नयाँ बर्ष २०७५ को अवसर पारेर गैरअवसीय नेपाली सघं साईप्रसले सुरक्षीत घर स्थापनार्थ सांगितिक धमाका कार्यक्रम गर्ने भएको छ ।
राजधानी निकोसीयास्थित त्रिकिस प्यालेसमा सघंले आउदो अप्रिल ८ तारिखमा सांगितिक धमाका गर्न लागेको हो ।
प्रवासमा नेपाली समुदायहरुको कला र लोक संस्कृतिको संरक्षण,सम्बद्र्धन एवं र नेपालीमा अकास्मात आईपर्ने समास्यालाई समाधान गर्न सेफ हाउस स्थापना गर्न कार्यक्रम आयोजना गर्न लागिएको सघंका अध्यक्ष सुबास मल्लले जानकारी दिए ।
नेपाली बाणिज्य दुतावास साईप्रसको संरक्षकत्व एवं साईप्रसमा क्रियाशिल नेपाली संस्थाहरुको सहआयोजनामा कार्यक्रम हुन लागेको हो ।
सेफ हाउस स्थापर्नाथ गरिने कार्यक्रममा नेपालका चर्चित रियलीटी सो नेपाल आईडियलका सागर आले मगर , हिमालया ईन्टरनेशनल अर्वाड २०१७ का बिजेता दिपक राई, लोक गायक वि.वि मल्ल लगाएत साईप्रसमा रहेका नेपाली कलाकारहरुले प्रस्तुति दिनेछन् ।
