पाकिस्तानी प्रधानमन्त्री चढेर नेपाल आएको जहाज कस्तो छ ?
पाकिस्तानी प्रधानमन्त्री साहिद खाकन अब्बासी सोमबार अपरान्ह त्रिभुवन अन्तर्राष्ट्रिय विमानस्थलमा उत्रिए |
सार्क सम्मेलनबाहेक २४ वर्षपछि पाकिस्तानी सरकार प्रमुख नेपाल आएका हुन्।
अब्बासी पाकिस्तान एयरफोर्सको विमानमा काठमाडौं आएका हुन्। उनी काठमाडौं नफर्किंदासम्म यो जहाज त्रिभुवन अन्तर्राष्ट्रिय विमानस्थलको पार्किङमा रहनेछ।
कस्तो छ त उनी चढेको विमान ?
पाक प्रधानमन्त्री सवार गल्फस्ट्रिम आईभिएसपी जहाज हो। यो मोडलको जहाज निजी प्रयोजनका लागि विश्वमै लोकप्रिय मानिन्छ। व्यापारी र विशिष्ट सैन्य अधिकारीले विश्वमै यसको उपयोग गर्दै अाएका छन्।
पाकिस्तानी प्रधानमन्त्री अब्बासी चढेको गल्फस्ट्रिम आईभिएसपी ७६२ एएफ ३ जहाज २१ वर्ष पुरानो हो। जिएलएफ कोड नम्बर भएको यो जहाज अमेरिकी एयरफोर्सले समेत उपयोग गर्नेगर्छ।
आईभिएसपी ७६२ एएफ ३ मोडलको जहाजभित्र आरामदायी सिट एवं सानो डाइनिङ टेबल र चार–पाँच जनासम्म बैठक गर्न सक्नेगरी सिट बनाउन सकिन्छ।