काठमाडांै – ‘हिरोज’को टे«लर सार्वजनिक समारोहमा सम्बोधन गर्न पुगेकी अभिनेत्री एवं निर्माता पूर्णिमा लामा स्टेजमै रोइन् । आफूसँग पैसा भएर पनि चलचित्र निर्माणका क्रममा अरूले दुःख दिएको अनुभव सुनाउने क्रममा उनी रोएकी हुन् ।

‘नायिका बन्ने क्रममा सिनेमा अड्किएपछि साथीहरूलाई सघाउन मैले लगानी गरें । तर, मसँग भनेको जति लगानी गर्छु भनेर पैसा निकाल्दा पनि यति धेरै दुःख दिइयो कि फिल्म तयार गरेर दर्शकमाझ ल्याउन दुई वर्ष लाग्यो ।’

आफूलाई कसले दुःख दियो भनेर उनले नाम बताउन नचाहे पनि रुँदै भनिन्, ‘मिहिनेतअनुसार चलचित्र राम्रो बनेको छ । हिरोजमा बेरोजगारीको पीडा, मानव बेचबिखन, जातीय भेदभाव र न्यायका लागि गरेको संघर्षको कथा प्रस्तुत गरेका छौं ।’

यो चलचित्रकी मुख्य अभिनेत्री करिश्मा मान्धरले पनि पूर्णिमाले फिल्म बनाउन निकै मिहिनेत र दुःख भोग्नुपरेको बताइन् । कथा राम्रो भएकै कारण काम गरेकाले चार वर्षयता बल्ल आफूले अभिनय गरेको चलचित्र हिरोज दर्शकमाझ आउन लागेको पनि करिश्माले प्रस्ट पारिन् ।

यो चलचित्रलाई एनबी महर्जनले निर्देशन गरेका हुन् । तर, उनी ट्रेलर रिलिज कार्यक्रममा आएनन् । ट्रेलरसँगै हिरोजमा राखिएको चारवटा गीतको भिडियो पनि कार्यक्रममा सार्वजनिक गरियो । यो चलचित्र २३ चैतबाट प्रदर्शनीमा आउने भएको छ । हिरोजमा करिश्मा र पूर्णिमासँगै सन्जोग राणा, जयकिसन बस्नेत, कमली वाइवा, मुकेश ढकाल, दिलकृष्ण श्रेष्ठ, सहिन प्रजापति, दिनेश डीसीलगायतको अभिनय छ । रासस