याम्बु – तामाङ समुदायको राष्ट्रीय संस्था नेपाल तामाङ घेदुङको ६२ औ स्थापना दिवसको अवसरमा यसबर्ष  प्रतिनिधि सभा तथा प्रदेश सभामा निर्वाचित तामाङ सांसदहरुलाई  बधाई, सम्मान गर्ने साथै भावी दिनमा घेदुङको सामाजिक आन्दोलनलाइ संघिय तथा प्रदेश सभा तथा सत्तासंग के कसरी जोडेर लान सकिन्छ भन्ने सवालमा अन्तरक्रियात्मक छलफल समेतको कार्यक्रम गर्ने भएको छ ।

कार्यक्रम आउँदो  फागुन २२ गते दिउँसो ११:३० बजेदेखी प्रज्ञा भवन कमलादिको दोश्रो हलमा सुरु भएको छ  । सोही अवसरमा सोनाम ल्होछार-२८५४ तथा तामाङ सांस्कृतिक महोत्सव सफल पार्न विभिन्न ढंगले सहयोग पुर्याउनु हुने ब्यक्ती, संस्थाहरुलाइ प्रशंसा-पत्र समेत बितरण गरिने जानकारी घेदुङका अध्यक्ष मोहन गोले तामाङले जानकारी दिनु भएको छ |

काठमाडौ भित्र, बाहिर रहेका संघ-संस्था, सहयोगदाता, प्रवास संगठनका प्रतिनिधिहरु, पत्रकार, कलाकार, घेदुङका सवै तहमा कृयाशिल  सदस्यहरुलाई  उपस्थितिको लागि घेदुङले अनुरोध गरेको छ |

तामाङ संघ/संस्थाहरुको तर्फबाट निर्वाचित माननीय सांसदहरुलाई संस्थागत रुपले खादा पहिर्याएर सम्मान गर्न चाहेमा समय उपलब्ध गराउने भएको छ |