हेटौंडा -हेटौंडाको पदमपोखरीमा स्थानीय र प्रहरीबीच विवाद हुँदा प्रहरीमाथि नै खुकरी प्रहार भएको छ। मदिरा पिएका स्थानीय युवाहरुले प्रहरीलाई आक्रमण गरेका हुन्।

दुई जना प्रहरी घाइते भएका छन्। आक्रमणमा संलग्न ५ जना व्यक्तिहरुलाई पक्राउ गरिएको मकवानपुरका एसपी विकाराज खनालले बताए।

मदिरा पिएका युवाहरुले प्रहरी बिटमा ढुंगामुडा समेत गरेका छन्। प्रहरी र स्थानीयबीच विवादको कारण भने खुल्न सकेको छैन।