हेडलाईन

इजरायल घेदुङको सातौं अधिवेशनबाट अध्यक्षमा पेमा लामा पाख्रिन तामाङ चयन         इजरायलमा चासोक तङ्नाम (उधौली/न्वागी पुजा ) येले तङ्बे ५०८१ भव्यताको साथ मनाउने         इजरायलमा राष्ट्रिय पर्व तमू ल्होसार २०७८ भव्यताको साथ मनाउने         नेफिन दक्षिण कोरियाको अध्यक्षमा विक्रम राना निर्बिरोध चयन         नेपाल तामाङ घेदुङ कुवेतको छैटौं अधिवेशनबाट अध्यक्षमा नाराण ग्लान तामाङ निर्विरोध चयन         तामाङ समाज स्पेनको अध्यक्षमा अजय लोप्चन तामाङ         इजरायलमा पाँचौ संस्करणको वलिहाङ कप २०२१ फुटबल खेल हुदै         बागमती प्रदेशको सामाजिक विकास मन्त्रालयमा कुमारी मोक्तान तामाङ नियुक्ति         इजरायलमा नेपाल सम्बत ११४२ स्वन्ति नख: तथा म्ह:पुजा कार्यक्रम हुदै         प्रवासी सृजनशील महिला समूह इजरायलले चाडपर्वको अवसरमा शुभकामना आदानप्रदान कार्यक्रम गर्दै         नेपाली समाज (नेसो)इजरायलले “सुज”अभियान कार्यक्रम गर्दै         जनसंम्पर्क समिति इजरायलले चाडपर्वको अवसरमा शुभकामना आदानप्रदान कार्यक्रम गर्दै         नेफिन:अन्तर्राष्ट्रिय प्रवास समन्वय समिति गठन         इजरायल घेदुङको सातौं वार्षिकोत्सव तथा एकता दिवस साथै अधिवेशन हुदै         इजरायल जान यसरी ११७५ जनाको नामावली सार्वजनिक (छनौटको भिडियो सहित)        

सोमबार मन्त्री हुन तयार भएका को को हिस्स परे ?

काठमाडौं । बजारमा चलेको हल्लाअनुसार दुई–दुई गरेर जम्मा चारको | सोमबार शीतलनिवासमा अर्का एकजना तम्तयार थिए, दौरा–सुरुवालमा । अरुको नाम पढियो तर उनको आएन ।

आकांक्षीहरु चाकडी, धम्की र प्रलोभनमा उत्रिन थालेपछि सोमबार विहानदेखि मन्त्रीको नाम टुंग्याउन एमाले–माओवादी शीर्ष नेताहरु सफल भएनन् । तर, नाम नटुंगिकनै जनार्दन शर्मा (प्रभाकर) चाहिँ दौरा सुरुवालमा देखिएका हुन् । माओवादीभित्रको रमाइलो कस्तो भने, एकथरि जनार्दनलाई रोक्न लागेका छन्, अनि जनार्दनचाहिँ आफूलाई रोक्नेहरुलाई छेक्नका लागि भएजति सबै बल प्रयोग गर्दै छन् । वर्षमान र शक्तिहरुले उनी गृहमन्त्री हुँदा भ्रष्टाचार र बेथिती बढ्ने भन्दै केपी ओलीको कान भर्न भ्याएका छन् ।

सोमबार यी दुवै गृहमन्त्री बनेनन् । त्यसैले आफू ठिक्क परेर पनि मन्त्री नहुँदा जनार्दन बेखुश छैनन् । केपीले आइतबारै भनेका रहेछन्, ‘तपाईंलाई बनाउन म राजी छु तर नामचाहिँ पार्टीबाट आउनुपर्छ ।’ उनले इच्छा गरेको मन्त्रालय हो, उर्जा । गृहका लागि लबिङ गरिरहेका थिए । अर्थमा एमालेतिरझैं आफ्नैतिर गृहका आकांक्षीहरुलाई रोक्नका लागि पनि बादललाई बनाउनुपर्ने बाध्यतामा थिए प्रचण्ड । त्यसमाथि अहिले वर्षमान र नारायणकाजीलाई चिढ्याउँदा पार्टी एकता निश्कर्षमा नपुग्ने खतराप्रति सचेत छन् । २५ वटा जिल्ला अध्यक्ष वर्षमानका छन् भने नारायणकाजीसँग तत्कालीन जनमोर्चाको ठूलो पंक्ति सुरक्षित छ । उतैबाट आएका आहुतीलाई एकताविरोधीको नाममा कारवाही गर्दा पनि काजीले आपत्ति जनाएका छैनन् ।

आइतबार अर्को रमाइलो भयो । आजको जनआस्था साप्ताहिकमा समाचार छ – लेखराज भट्ट आफूलाई मन्त्री बनाउनुप¥यो भन्दै खुमलटार पुगे । तर, प्रचण्डले आफ्नालागि मन्त्री माग्न आएका लेखराजलाई यसरी फकाए कि फर्किंदा उनी बीना मगर नै हुनुपर्छ भन्नेमा कन्भिन्स भए । ‘तीन–तीनपटक मन्त्री भइसक्नुभयो, फेरि कतिपल्ट चाहिने ? अब नयाँ मान्छेलाई सिफारिस गर्नुस् ।

साथीहरुले बीनाको कुरा ल्याउनुभएको छ । ठीक लाग्छ भने प्रस्ताव गर्नुस् ।’ नभन्दै त्यही दिन बेलुकी बसेको कार्यालय बैठक (एमालेको स्थायी कमिटीजस्तै) मा लेखराजले नै बीना मगरको नाम अघि सारे ।

सोमबार मन्त्री बन्ने कुराले एमालेमा पनि रमाइलो चल्यो । दौरा सुरुवाल लगाएर बसेका थिए, झण्डै एक दर्जन नेता । प्रदीप ज्ञवाली, रवीन्द्र अधिकारी, भानुभक्त ढकाल, प्रेमबहादुर आले, हृदयेश त्रिपाठी, रघुवीर महासेठ । पहिला अर्थ, नभए परराष्ट्र भनेर तयार पारिएका थिए प्रदीप ज्ञवाली । परराष्ट्र फोरमका लागि खालि राखिदिनुपर्ने र अर्थमा डा.युवराज खतिवडा तयार पारिसकिएका कारण दुबै नपाउने भएपछि कुन मन्त्रालय दिने भन्ने अन्योल नै थियो । पहिला योगेशलाई सञ्चार भनिएको थियो । तर, सञ्चार प्रदीपलाई दिएर योगेशलाई शिक्षा तथा खेलकुद भन्ने गाइँगुइँ चल्यो । यसैबीच, धुम्बाराही पार्टी अफिसमा हल्ला आयो, जनजातिबाट दुई जना फुलमन्त्री र एकजना राज्यमन्त्री हुँदैछन् । तर, को–को बन्लान् ? यसको टुंगो लगाउन पनि मुस्किल ।

सोमबार आश गरेर तयारी अवस्थामा बसेका प्रेम आलेसहित बसन्त नेम्वाङ, शेरबहादुर तामाङ, यज्ञराज सुनुवार, नारदमुनी राना, राजेन्द्र राई (धनकुटा) र पार्वत गुरुङहरु थिए । यी सात भाइमध्ये कसैले पनि मन्त्री नबन्ने कुरा सोचेकै छैनन्, तर सबैलाई एकैचोटि मन्त्री बनाउन कसै गर्दा पनि नसक्ने अवस्थामा छन्, ओली । आइतबार बालुवाटारमा बोलाइएका रवीन्द्र अधिकारीसँग एक घण्टा कुराकानी गरेका छन् । अघिल्लो संसदमा विकास समितिको सभापति भएर थुप्रै परियोजनालाई नजिकबाट नियालेका कारण ओलीले तिनै विषयमा छलफल गरेका थिए । त्यसैले सोमबार रवीन्द्रले भौतिक पूर्वाधार पाउने अनुमान गरिएको थियो । सोमबार मधेसीबाट रघुवीर महासेठ र हृदयेश त्रिपाठी तयार भएका थिए ।

मधेसीमात्रै भन्ने हो भने त लालबाबु भइसके । तर, २ नं. र ५ नं. प्रदेश समेट्नका लागि यी दुई मन्त्री बन्ने गरी तयार पारिएका थिए । ओलीले नवराज सिलवाललाई ‘प¥यो भने फोन गर्छु’ भनेका थिए । सोमबार दिउँसो जनआस्थाले उनलाई फोन गर्दा ‘घरमै छु’ भने । सोमबार निराश बनेका थिए, पार्वत गुरुङ । कारण रहेछ, यति एयरलाइन्स र गोकर्ण रिसोर्टका मालिक आङ्छिरिङ शेर्पालाई लिएर ओलीकहाँ पुग्नु । ओली र आङ्छिरिङको पुरानै मिल्ती छ । पार्वतचाहिँ नेतालाई सहयोग गर्ने र ‘सहयोग गरेँ नि’ भन्ने बानी भएका व्यक्ति । यही बानीले कुरा बिगा¥यो । आङ्छिरिङसँगै बालुवाटार पुग्दा ओलीले एकैछिन भेट दिएर पार्वतलाई ‘हुन्छ, जानुस्’ भनी पठाए । आङ्छिरिङचाहिँ भित्रै थिए । ‘किन पार्वतलाई ल्याउनुभएको ?’ भनेर सोध्दा ‘जाऊँ कि जाऊँ भनेपछि के गर्ने…’ भनेर टारे । तर, ‘बनाउनैपर्छ’ भनेर सिफारिस गरेनन् । स्मरणीय के छ भने, ओलीको अघिल्लो कार्यकालमा पर्यटनमन्त्री बनाइएका दोलखाका आनन्द पोखरेल शेर्पाकै सिफारिसका थिए ।






शुभकामना

Warning: यो Categories मा कुनै पनि आर्टिकल नहुनाले खाली देखिएको छ त्यसैले कृपया अहिले नै पोस्ट गरिहाल्नुहोला

भर्खरै...

लोकप्रिय

रोचक खबर

राष्ट्रपतिद्वारा ओली र देउवा दुवैलाई प्रधानमन्त्रीमा नियुक्त गर्न अस्वीकार

याम्बु - राष्ट्रपति विद्यादेवी भण्डारीले नयाँ प्रधानमन्त्री नियुक्तिका लागि दावी पेश गर्ने दुबै प्रतिनिधिसभा... बाँकी यता

tamang online / May 22, 2021

चर्चित गायिका मेलिना राई र विरेन्द्र श्रेष्ठको ‘जाले रुमाल’ सार्वजनिक (भिडियो)

याम्बु - चर्चित गायिका मेलिना राई र गायक तथा वरिष्ठ ईन्जिनियर विरेन्द्र श्रेष्ठको स्वरमा रहेको जाले रुमाल... बाँकी यता

tamang online / October 2, 2020

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2021: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution