नेपाली कांग्रेसले संसदीय दलको नेता चुन्ने तयारी गरेको छ । हिमालय टाइम्सले प्रकाशित गरेको एन्कर समाचारका अनुसार नेपाली कांग्रेसले संघीय संसद्मा प्रतिनिधित्व गर्ने आफ्ना सांसदको बैठक फागुन १२ गते शनिवारका लागि बोलाएको छ ।

कांग्रेस प्रवक्ता विश्वप्रकाश शर्माका अनुसार संसदीय दल गठन, विधान परिमार्जनलगायतका विषयमा छलफल हुने र संसदीय दलको नेताको निर्वाचन प्रक्रिया अघि बढाउने काम पनि सो बैठकले गर्नेछ । नेता प्रकाशमान सिंहले संसदीय दलको नेतामा लड्ने इच्छा देखाएकाले सभापति देउवा सर्वसम्मत संसदीय दलका नेता नहुने अवस्था देखिएको छ ।