हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

मन्त्री नपाएको झोकमा एमालेका सांसदद्वारा राजीनामा,पार्टी परित्याग

सुर्खेतः प्रदेशसभामा निर्वाचित एमाले सांसद चन्द्रबहादुर शाहीले राजीनामा दिएका छन्। प्रदेशसभाको सभामुख र मन्त्रीमा अवसर नदिएर पार्टीले आफूमाथि अन्याय गरेको भन्दै उनले राजीनामा दिएका हुन्। मुगुबाट निर्वाचित सांसद शाहीले आइतबार हुलाकमार्फत राजीनामा पत्र पठाएका छन्।

यसअघि उनी सभामुखका आकांक्षी थिए। एमालेभित्र सभामुखमा उनको चर्चा चले पनि अन्तिममा आएर दैलेखका राजबहादुर शाहीलाई एमालेले सभामुख बनाएको थियो। सभामुख नपाएका शाहीलाई मन्त्री बनाउने आश्वासन नेताहरुले दिएका थिए।

तर आइतबार बिस्तार भएको प्रदेश मन्त्रीपरिषद्मा उनी समावेश हुने सकेनन्। अन्तिम समयमा आएर पार्टीले धोका दिएको र अन्याय गरेको भन्दै सांसदबाट राजिनामा दिएको शाहीले बताए। एमालेका केन्द्रीय सल्लाकारसमेत रहेका शाहीले पार्टीको साधारण सदस्यबाट पनि राजिनामा दिएको जानकारी दिए।

आइतबार बिहानसम्म शाहीको नाम मन्त्रीको सूचीमा थियो। उक्त सूचीमा सांसद प्रकाश ज्वालाको नाम भने थिएन। तर ज्वालाले आफूलाई कुनै पनि हालतमा मन्त्री चाहिने भन्दै केन्द्रमा दबाव दिएपछि ज्वालाको नाम समावेश गरेर शाहीको नाम मन्त्रीको शपथ ग्रहण गराउने बेलामा हटाइएको थियो। एमाले वरिष्ठ नेता माधवकुमार नेपाल निकट मानिने शाही यसअघि २०५६ को संसदीय निर्वाचनमा पनि निर्वाचित भएका थिए।

लामो समयदेखि एमालेको राजनीतिमा सक्रिय रहेका शाहीले पैसा र शक्तिको आडमा मन्त्री छनौट गरिएको र आफूलाई अन्याय भएकाले राजीनामा दिन बाध्य भएको बताए। दलभित्र गुटका आधारमा अवसर दिने संस्कार विकास भएको आरोप लगाउँदै उनले पार्टीको साधारण सदस्यबाट राजीनामा दिन काठमाण्डौ पुगेको जनाए।
शाहीले प्रदेशसभा सदस्यको राजीनामा भने आइतबार नै हुलाकमार्फत प्रदेशसभाका सभामुखलाई पठाएका छन्। मुख्यमन्त्री महेन्द्रबहादुर शाहीले आइतबार बिस्तार गरेको मन्त्रिपरिषद्मा एमालेबाट उनी पर्न सकेनन्। त्यसपछि उनले अपमानित भएको र निकै अन्याय भएको भन्दै राजीनामा दिएको बताए। ‘पार्टीमा योगदान नै नगरेकालाई सभामुख बनाइयो, कमिटीमा पनि नभएकाहरु मन्त्री बने’ उनले भने,‘मैले पार्टीका लागि नै जीवन बिताएँ, तर अहिले सहनै नसक्ने गरी अन्याय भयो।’

अन्याय सहन नसकेर आफूले राजीनामा दिएको उनले बताए। एमालेबाट सभामुख बनेका दैलेखका राजबहादुर शाही नेपाल मजदुर किसान पार्टीबाट २०५२ सालमा एमाले प्रवेश गरेका हुन्। यस्तै मन्त्री बनेका डोल्पाका नन्दसिंह बुढा राप्रपाबाट र हुम्लाका दल रावल जनमोर्चाबाट एमाले प्रवेश गरेको शाहीले बताए।

एमाले नेता शाही २०५६ सालमा मुगुबाट प्रतिनिधिसभा सदस्य जितेका थिए। मुगुमा एमालेबाट चुनाव जित्ने शाही पहिलो व्यक्ति हुन्। उनी आठौं महाधिवेशनबाट केन्द्रीय सदस्य निर्वाचित भएका थिए भने हाल सल्लाहकार छन्।

२०४२ सालमा जेल परेपछि पार्टीको पूर्णकालिन राजनीतिमा लागेका उनले १५ वर्षसम्म मुगुमा एमालेको पार्टी प्रमुख भएर काम गरेका थिए। यता प्रदेशसभामा एमाले संसदीय दलका नेता यामलाल कँडेलले शाहीको मन्त्रीमा चर्चा भए पनि आकांक्षी धेरै भएकाले सम्भव नभएको बताए।

एमाले प्रदेश कमिटिका सहसंयोजकसमेत रहेका कँडेलले शाही सभामुख र मन्त्रीका लागि योग्य हुँदाहुँदै पनि थोरै पद र नेता धेरै भएकाले समेट्न नसकिएको स्वीकार गरे। उनले भने,‘हामीले प्रयास गरेकै हो, तर सम्भव हुन सकेन। म बाहेक सबै मन्त्रीका आंकाक्षी थिए, सबैलाई एकैपटक अवसर दिनसक्ने अवस्था अवस्था भएन।’   | अन्नपुर्णपोस्ट






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution