याम्बु ,तामाङअनलाइन –  ह्याङ्ला दोलख-काठमाडौं तामाङ समाजले “सोनाम ल्होछारको प्रबर्द्धन हाम्रो सांस्कृतिक अभियान, घर घरमा ल्होछार स्थापना हाम्रो ऎतिहासिक पहिचान” भन्ने मुल नाराका साथ हिजो २०७४ साल माघ २७ गते शनिबार काठमाडौंको चाबहिल स्थित नबदुर्ग पाटी प्यालेसमा स्थापना कालदेखि दोस्रो चोटी सोनाम ल्होछर मन्जुश्री सम्बत २८५४ औ खी/हिजोल्हो (चरा बर्स) को आगमनको अवसरमा शुभकामना आदानप्रदान बधाई साथै बृहत ल्होछार सांस्कृतिक महोत्सव कार्यक्रम भब्य रूपमा मनाएको छ । कार्यक्रमा प्रमुख अथिति दोलखाका पुराना तामाङ नेता वरिष्ठ राजनीतिज्ञ, सामाजिक ब्याक्तित्व एबं पुर्ब सांसद जीतबीर लामा हुनुहुन्थ्यो भने विशिष्ट अतिथिमा प्रतिनिधि सभा सदस्य एबं नेकपा एमालेका केन्द्रिय सदस्य पार्बत गुरुङ हुनुहुन्थ्यो । त्यस्तै विशेष अतिथिमा पुर्ब माननीय संस्कृति, पर्यटन तथा नागरिक उड्डयन मन्त्री आनन्द प्रसाद पोखरेल हुनुहुन्थ्यो । कार्यक्रमका अध्यक्षता ह्याङ्ला दोलखा-काठमाडौं तामाङ समाजका अध्यक्ष सरोज मोहन लामाले गर्नुभएको थियो ।

सोनाम ल्होछार चरा बर्षको बिदाई र कुकुर बर्षको स्वागत लामा गुरुज्युबाट शान्ती मोलम र ताम्बाले ऎतिहासिक बिधिअनुसारको काईरन (गीतगाथा) गाई कार्यक्रमको शुरूवात गरेको थियो । कार्यक्रममा अतिथिहरुमा नेकपा माओवादी केन्द्रका पोलिट्ब्योरो सदस्य शंकर लामा, पुर्ब सांसद शान्ति पाख्रीन, नेपाली कांग्रेसका जिल्ला सभापति रुद्र बहादुर खड्का, नेकपा माओवादी केन्द्रका केन्द्रिय सदस्य नर बहादुर पाख्रीन, बौद्धनाथ क्षेत्रबिकास समितिका कार्यकारी निर्देशक कुयाङ लामा घिसिङ, तामाङ पाउडेशनका अध्यक्ष अरुण घिसिङ, तामाङ राष्ट्रिय घेदुङका प्रतिनिधि तारा ब्वोन तामाङ, आदिवासी जनजाति महासंघ जिल्ला अध्यक्ष जंग गुरुङ, बर्म लामा, हर्कमान पाख्रीन, बामपंथी नेता बसन्तराज कार्की, मजदुर नेता युबराज जिरेल, नेकपा एमाले दोलखा काठमाडौं सम्पर्क मञ्चको अध्यक्ष गणेश शिवकोटी लगायतका विभिन्न संघ संस्था र संगठनका प्रमुख र प्रतिनिधिहरु, बुद्धिजीवीहरु, समाजसेवीहरु, कलाकारहरु र पत्रकारहरु हुनुहुन्थ्यो ।

कार्यक्रमको संचालान समाजका सचिब छेवाङ तेन्जिङ लामा र सदस्य सुकुमाया मोक्तानले गर्नुभएको थियो भने स्वागत मन्तब्य कार्यक्रम संयोजक सुरेश कुमार पाख्रीनले दिनु भएको थियो ।

कार्यक्रमका प्रमुख अतिथि जीतबीर लामाले ल्होछारको शुभकामना दिनुहुदै आदिवासी जनजाति तामाङ समुदायको जायज
अनि साझा माग सबै राजनीतिक पार्टीले मात्र पूरा गर्नुपर्छ । खाली फुस्रा आश्वासन मात्रै दिने होईन , उहाँले भन्नुभयो नेपालका प्रायः सबै राजनीतिक पार्टीले कहिल्यै तामाङहरुलाई कार्यकारी भुमिकाको पद दिन मन्जुर नहुने बताउनु भयो । कार्यक्रममा विशिष्ट अतिथि पार्बत गरुङ, विशेष अतिथी आनन्द प्रसाद पोखरेल, अतिथिहरु, शंकर लामा, नर बहस पाख्रीन, रुद्रबहादुर खड्का, बर्म लामा लगायत अरुण घिसिङले पनि शुभकामना मन्तब्य दिनुभएको थियो ।

कार्यक्रममा बधाई तथा कार्यकाल सफताको शुभकामना स्वारुप प्रसंसा पत्र दोलखा जिल्लाबाट भर्खरै नेपाल अधिराज्यकै सबैभन्दा फरक मतान्तरले निर्बाचित प्रतिनिधि सभा सदस्य पार्बत गुरुङलाई प्रदान गरिएको थियो भने प्रदेश सभाको निर्बाचित सदस्यहरुलाई सभामुख र उपसभामुखको निर्वाचनले हेटौंडा मकवानपुर जानुपरेकोले अर्को कार्यक्रममा प्रसंसा पत्र प्रधान गर्ने भएको छ । कार्यक्रममा सम्मान भने दोलखा जिल्लाका पुर्ब माननीय संस्कृत, पर्यटन तथा नागरिक उड्डयन मन्त्री आनन्द प्रसाद पोखरेललाई गरिएको थोयो । उहाँले मन्त्री हुँदा गरेका सबै सकारात्मक काम र विशेष त बौद्ध दर्शनको प्रबर्द्धन, बुद्ध र बुद्ध दर्शन दुबै नेपालमै, लुम्बिनीमै जन्मेको हो भन्ने अभियान नेपाल सरकारबाट पहिलोपटक चलाएर शुरूवात गरेकाले उहाँलाई सम्मान गरेको थियो । त्यस्तै गरि बधाई तथा कार्यकाल सफताको शुभकामना स्वारुप प्रसंसा पत्र दोलखा जिल्लाका कुयाङ लामा घिसिङ जो बौद्धनाथ क्षेत्र बिकास समितिको कार्यकारी निर्देशक हुनुहुन्छ उहाँलाई प्रदान गरिएको थियो ।

कार्यक्रममा दोलखाली तामाङ कलाकारहरू र दोलखा जिल्लाभन्दा बाहिरका अतिथि कलाकारहरुले समेत विभिन्न प्रकारका मनोरञ्जन दिने तामाङ गित, अन्य गीत संगित र नृत्यहरु प्रस्तुत गरेका थिए । कार्यक्रम बेलुका आठ बजेसम्म चलेको थियो ।