बिबिसी: युद्धग्रस्त सिरियाले मध्यपूर्वको शक्तिशाली मुलुक इजरायलको एउटा लडाकू जेटलाई खसालिदिएको छ । यो कुराको पुष्टि इजरायली सेनाले पनि गरेको छ ।

इजराइलको सेनाका अनुसार उसको एक लडाकू जेट विमानलाई सिरियाली एन्टी एयरक्राफ्ट फायरका कारण खसेर दुर्घटनाग्रस्त भएको हो ।

समाचार अनुसार मिसाइल लागेपछि यो लडाकू जहाजका दुवै पाइलटले प्यारासुटबाट हामफालेर ज्यान बचाएका थिए । उनीहरु लडाकू जहाजमा मिसाइल लागेपछि प्यारासुटमा इजरायली क्षेत्रमा झरेका थिए । त्यसपछि उनीहरुलाई उपचारका लागि अस्पताल लगिएको छ |

इजरायली सेनाका अनुसार उसको अत्याधुनिक एफ-१६ लडाकू विमान आफ्नो हवाई क्षेत्रमा आएको एउटा ड्रोनको निगरानीमा उडेको थियो ।

जोर्डन र सिरियासँग जोडिएको इजरायली सीमामा बस्दै आएका स्थानीय बासिन्दाका अनुसार उनीहरुले ठुलो आवाजसहित विस्फोटन भएको सुनेका थिए ।

सेनाले एक विज्ञप्तीमा भनेको छ, ‘एक लडाकू हेलिकोप्टरले इरानको एक यूएभी (मानवरहित विमान) पता लगाएको थियो, जसलाई सिरियाबाट छोडिएको थियो ।’

विज्ञप्तीमा इजरायल डिफेन्स फोर्सेले सिरियामा त्यस यूएभीलाई निशाना बनाएको थियो । सिरिया-इजरायल सीमास्थित गोलान पहाडभन्दा माथि एन्टी एयरक्राफ्ट मिसाइलको निशानामा यो लडाकू जहाज परेको हो ।

सिरियाको सरकारी सञ्चारमाध्यमका अनुसार सिरियाली हवाई सुरक्षा प्रणालीले इजरायली गतिविधिलाई युद्धका लागि उकास्ने ठहर गर्दै विमानलाई निशाना बनाइएको हो ।

बीबीसीका मध्यपूर्व संवाददाता टम बेटम्यानले बताए अनुसार सिरियामा इजरायली हमला असामान्य होइन । तर इजरायली लडाकू जेटलाई मिसाइल हानेर खसालिएको जस्तो गम्भीर घटना भने पहिलो पटक भएको हो ।