एमाले प्रदेश १ को संसदीय दलको नेतामा शेरधन राई निर्वाचित,बन्ने भए आदिवासि जनाजाति मुख्यमन्त्री
विराटनगर : प्रदेश १ को मुख्यमन्त्रीमा को हुने भन्ने विवाद अन्तत चुनावी प्रक्रियाबाट टुंगिएको छ। एमाले प्रदेश १ को संसदीय दलको नेतामा शेरधन राई निर्वाचित भएका छन्।
केपी ओली समूहका राईले माधव नेपाल समूहका भीम आचार्यलाई पराजित गरेका हुन्। शुक्रबार अपरान्ह भएको निर्वाचनमा राईले २६ मत ल्याए भने निकटतम प्रतिद्वन्द्वी आचार्यले २४ मत ल्याए। एक मत भने बदर भएको थियो।
संसदीय दलको नेताको चयन सो दलका प्रदेश सांसदहरुले गर्दछन्।
संसदीय दलको नेता चयनसँगै राईलाई मुख्यमन्त्रीको बाटो खुलेको हो। प्रदेश १ मा वाम गठबन्धनको स्पष्ट बहुमत छ। यो प्रदेशमा मुख्यमन्त्री एमालेले पाउने सहमति गठबन्धनबीच भइसकेको छ।
« प्रदेश ३ को सभामुखमा सानु श्रेष्ठ, उपसभामुखमा राधिका तामाङ बन्ने निश्चित,निर्वाचन भोलि शनिबार (Previous News)
