⊥

“तामाङ समाज यूएईको शान, तामाङ सांस्कृति, तामाङ पहिचान” भन्ने मुल नाराको साथ आयोजित उक्त कार्यक्रमको सभापति समाजका अध्यक्ष महेश मोक्तान, प्रमुख अतिथि नेपाल आदिबासी जनजाति महासंघ यूएईका अध्यक्ष पासाङ रिन्जी शेर्पा, विशेष अतिथिहरुमा नेपाल तामाङ घेदुङको केन्द्रिय सचिव रामकृष्ण ब्लोन, नेपाल तामाङ विद्यार्थी घेदुङकी सचिव इन्द्र माया तामाङ, नेपाल आदिबासी जनजाति महासंघ यूएईका प्रमुख संरक्षक तथा निबर्तमान अध्यक्ष डेरराज गुरुङ, नेपाली समाज युएईका अध्यक्ष सिपि सापकोटा, नेपाली सोसल क्लवका अध्यक्ष सालिक सुवेदी, तामाङ समाज युएईका भूपू सल्लाहकार तथा भूपू एनआरएन आईसिसि सदस्य बिमल तामाङ लगायत विभिन्न जातीय, राजनीतिक दल, जिल्लागत, तथा सामाजिक संघसंस्थाहरुका प्रतिनिधिहरु अतिथि रहेका थिए ।

बौद्ध धर्म परम्परा अनुसार लामागुरु नविन लामाले पाठपुजा गरि सुरू भएको औपचारिक कार्यक्रममा कार्यक्रमका प्रमुख अतिथिले (छ्युमि) दिपप्रज्वलन गर्नुभई औपचारिक उट्घाटन गर्नुभएको थियो । समाजका महासचिव सनिल घिसिङले स्वागत मन्तव्य राख्दै नेपाल तामाङ घेदुङबाट प्राप्त ल्होछारको शुभकामना सन्देश पढेर सुनाउनु भएको थियो । विशेष अतिथिद्वय रामकृष्ण ब्लोन र डेरराज गुरूङले शुभकामना मन्तव्य राख्दै तामाङ समुदायको सांस्कृतिक, सामाजिक तथा राजनैतिक महत्वको बिषयमा चर्चा गरेका थिए । त्यस्तै प्रमुख अतिथि पासाङ रिन्जी शेर्पाले आफ्नो शुभकामना सन्देशमा सोनाम ल्होछारको तिथि/मितिको बिबादलाई अन्त्य गरी तामाङ जातिले मान्ने मन्जुश्री पात्रो अनुसार सोनाम ल्होछार पर्ब मनाउनु पर्ने ब्यक्त गरेका थिए । यस बर्ष सोनाम ल्होछारको अबसरमा यूएईमा तामाङ समाज लगायत बिभिन्न संघ-संस्थाहरूले ४ वटा ठूला कार्यक्रमहरूको आयोजना गरेकोमा सिंगो तामाङ समाज एकदमै हर्षित भएको र राष्ट्रिय पर्ब सोनाम ल्होछारलाई तामाङहरूले मात्र नभई यूएईमा बस्ने अरू नेपाली समुदायहरूले पनि मनाउनु पर्ने र त्यस कार्यकमा समाजको तर्फबाट पूर्ण सहयोग रहने भन्दै अध्यक्ष तथा कार्यक्रम सभापति महेश मोक्तानले सोनाम ल्होछार २८५४ खि ल्हो को शुभकामना ब्यक्त गरेका थिए ।

नेपालबाट पाल्नु भएका अतिथि कलाकारद्वय सेलोगायक फुलकुमार बम्जन र म्हेन्दोमाया गायक रोशन फ्युबालाई तामाङहरूको मौलिक सेलो तथा म्हेन्दोमाया गीतसंगीत क्षेत्रमा पुर्याएको योगदानको उच्च मुल्यांकन गर्दै सम्मानपत्र वितरण गरेको थियो । समाजसंग लामो समय देखि आबद्धभई प्रवासमा आफ्नो समुदायका लागि गरेको योगदानको कदर गर्दै आबुधाबी क्षेत्रबाट बिरू वाईबा र सोनु थोकर, दुबई क्षेत्रबाट कृष्ण मोक्तान र ज्ञान बहादुर लामा र केन्द्रबाट भिम दोङ र कर्मा लामालाई Star Member of the Year 2017 बाट सम्मान गरिएको थियो । त्यस्तै, उपाध्यक्ष सुरेन्द्र थिङ र महासचिब सनिल घिसिङलाई समाजको बिशिष्ट सम्मान President’s Honour 2017 बाट सम्मानित गरेको थियो । नेपाल तामाङ घेदुङका सचिव रामकृष्ण ब्लोन र नेपाल विद्यार्थी घेदुङकी सचिव इन्द्रमाया तामाङलाई पनि सम्मानपत्रले सम्मान गरेको थियो ।

सांस्कृतिक कार्यक्रममा अतिथि कलाकारहरु फुल कुमार बम्जन र रोशन फ्युबाले आफ्नो आधा दर्जन जति चर्चित सेलो तथा म्हेन्दोमाया गीतहरू गाएर दर्शकहरुलाई मनोरञ्जन दिएका थिए । उक्त कार्यक्रममा प्रगतिशील कलाकार संघ यूएईका कलाकारहरू, प्रवासमा रहेर लामो समय देखि नेपाली तथा सेलो गीत संगीतलाई निरन्तरता दिदै आएका कलाकारहरू प्रवेग दोङ, सन्दिप ग्याबा तामाङ, सोम तामाङ, डिबि समर्पण, प्रख्यात तामाङ, रोसनी स्याङबो, सन्ध्या सुस्केरा, उर्ग्रेन दोङ, हरि मोक्तान, तामाङ चलचित्रका नायक बिजय थोकर लगायत स्थानीय कलाकारहरुले तामाङ सेलो तथा नेपाली गीत संगीतहरू प्रस्तुत गरेका थिए । कार्यक्रम संचालन समाजका उपाध्यक्ष सुरेन्द्र थिङ तामाङ र सचिब बसन्ती दोङले गरेको थियो । कार्यक्रमलाई नमस्ते ट्राभल्स, हमालय ट्राभल्स, फिसटेल ट्राभल्स, भोजपुर हातेमालो समाज यूएई, निशान वाईबा, तास लामा, प्रबिन स्याङबो, राम तामाङ, एभरेष्ट एयर कन्डिसनिङले प्रायोजक गरेको थियो । तामाङ भोईस, शैलुङ अनलाईन र तामाङ अनलाईन मिडिया पार्टनर रहेको थियो ।