ह्योल्मो समाज इजरायल द्वारा २१४५ औ सोनाम ल्होछार भव्यताको साथ सम्पन्न
तेलअविव – ह्योल्मो समाज इजरायल द्वारा २१४५ औ स फो खि ल्हो (कुकुर वर्ग) सोनाम ल्होसारको पावन अवसरमा ह्योल्मो सोनाम ल्होसार साँझ २०१८ गत २० जनवरी २०१८ (शनिबार) तेलअविवमा भव्यताको साथ सम्पन्न गरेको छ |
संस्थाकी अध्यक्ष पेमा डोल्मा ह्योल्मोको सभापतित्वमा भएको कार्यक्रममा प्रमुख अतिथि नेपाली दुतावास इजरायलको महामहिम राजदुत निरन्जन कुमार थापा रहनुभएको थियो | यसैगरी बिशेष अतिथिमा एनआरएनए इजरायलको अध्यक्ष छिरीङ लामा शेर्पा,नेपाल आदिवासी जनजाती महासंघ इजरायलका अध्यक्ष नयन इम्सोङ लिम्बु लगायतका थिए भने इजरायलस्थित जातीय ,सामाजिक ,धार्मिक संघसंस्था र अनलाइनमिडियाकर्मीहरु अतिथि रहेका थिए |
कार्यक्रमको लागि नेपालबाट आमन्त्रित कलाकार ह्योल्मो साँस्कृतिक कला केन्द्रका अध्यक्ष एवम् समाजसेवी / गायिका पेमा डिकी ह्योल्मो र स्थानीय नेपाली कलाकारहरुले जोडदार प्रस्तुतिका साथ मनोरन्जन प्रदान गरेका थिए |
विभिन्न क्षेत्र मार्फत योगदान पुर्याउनु भएका महानुभावहरु र कलाकारहरुलाई सम्मान गर्दै कदर पत्र र प्रशंसा पत्र हस्तान्तरण गरेका थिए |
फोटो- बीबीसीइअनलाइनन्युज डट कम मार्फत |