काठमाडौं, २५ पुस– सरकारले प्रदेशको अस्थायी राजधानी तोक्न आवश्यक तयारी गरिरहेको जनाएको छ । विभिन्न स्थानमा प्रदेश राजधानी माग गर्दै आन्दोलन भइरहेका बेला सरकारले आफ्नो धारणा सार्वजनिक गरेको हो ।

मन्त्रीपरिषद् कार्यालयले सोमबार विज्ञप्ती जारी गरेर अस्थायी राजधानी तोक्ने तयारी भइरहेको जनाएको हो । नेपालको संविधानको धारा २८८ को उपधारा २ मा प्रदेशको राजधानी सम्बन्धित प्रदेश सभाबाट निर्णय हुने उल्लेख छ ।

मन्त्रीपरिषद्को कार्यलयले जारी गरेको विज्ञप्तिमा भनिएको छ, ‘प्रदेश सभा सदस्यको निर्वाचन भैसकेको अबस्थामा प्रदेश सभाका सदस्यहरुलाई सपथ ग्रहण गराउने लगायतका कार्यहरु तत्काल प्रारम्भ गर्नुपर्ने भएकाले प्रदशे कार्य संचालनका लागि अस्थायी रुपमा स्थान तोक्न आवश्यक तयारी गरिरहेको व्योहोरा सर्वसाधरणलाई जानकारी गराइन्छ ।’