यसपाली  विक्रम सम्बत् २०७४ सालको ल्होछार नेपालमा प्रचलित विक्रम सम्बतको पञ्चांक पात्रोको अनुसार माघ ४ गते कि फागुन ४ गते ? मेरो उत्तर ः ल्होछार वा ल्होसार भनेको नयाँ बर्ष/साल/सम्बत् हो । ल्हो भनेको वर्ष/साल/सम्बत्, छार/सार भनेको नयाँ/फेर्ने/परिवर्तन हो । त्यसैले नयाँ बर्षलाई तामाङ भाषामा ल्होछार भनेको हो ।

नेपालमा जब ल्होछार भनेर तामाङ समुदायहरुले ल्होछार पर्वको रुपमा मुलुकभरी मान्दै आयो त्यो बेला देखिनै प्रायजसो नेपालमा प्रचलित विक्रम सम्बत्को पञ्चांक पात्रोको अनुसार माघ महिनामै ल्होछार पर्व परेको र मान्दै आएको देखिन्छ भने कहिलेकाही फागुन महिनामा पनि उक्त ल्होछार परेको र मान्दै आएको देखिन्छ । नेपाल सरकारले पहिलो चोटी २०५१ सालबाट स्व. मनमोहन अधिकारीको प्रधानमन्त्रीत्वको कालमा ल्होछार मान्ने समुदायलाई मात्र १ दिन विदा दिने व्यवस्था गरेको थियो । पछि पछि यो ल्होछारलाई सोनाम ल्होछार भनेर भन्न थालियो ।

विक्रम सम्बत् अनुसार फागुन महिनामा परेको सोनाम ल्होछार ः (मेरो जानकारी अनुसार) २०६३ साल फागुन ६ गते । २०६६ साल फागुन २ गते । २०७१ साल फागुन ७ गते । यी माथि उल्लेखित सालमा सोनाम ल्होछार फागुन महिनामा परेको देखिन्छ । अर्को महत्वपूर्ण कुरा के हो भने जुन बेला नेपालमा सोनाम ल्होछार परेको हु्न्छ त्यो बेला चीनमा पनि नयाँ वर्ष स्प्रीङ फेस्टीबल परेको हुन्छ ।

नेपालमा माघ वा फागुन महिनाको जुन तिथी वा दिनमा सोनाम ल्होछार परेको देखियो त्यही बेला चीनमा त्यही तिथी वा दिनमा नयाँ वर्ष स्प्रीङ फेस्टीबल परेको देखिन्छ । नेपालमा मानिएको सोनाम ल्होछारको दिन विश्वका अन्य देशहरु चीन, मंगोलिया, जापान, थाइल्याण्ड, कोरिया, बर्मा, भियतनाम, मलेसिया, इन्डोनेसिया, सिंगापुर, फिलिपिन्स, भुटान, भारतको सिक्किम, दार्जिलिङ, गान्दोक, ताइवान, लावस आदिमा पनि मान्ने गरिन्छ । त्यसैले यो वर्षको सोनाम ल्होछार यदि माघ ४ गते हो भने त्यो दिन वा तिथिमा चीनको नयाँ वर्ष स्प्रीङ फेस्टीबल पर्दैन । चीनको नयाँ वर्ष स्प्रीङ फेस्टीबल त नेपालको फागुन ४ गते पर्न गएको छ, जुन यसपाला आउदै गरेको फेब्रुवरी महिनाको १६ तारिखमा पर्ने रहेछ, सबैले हेर्ने र बुझन सकिन्छ । गुगल देखि चीन देशमा ।

त्यसैले हामीले भन्न सकिन्छ कि ः यी उल्लेखित आधारमा यसपाली विक्रम सम्बत् २०७४ सालको सोनाम ल्होछार नेपालमा प्रचलित विक्रम सम्बतको पञ्चांक पात्रोको अनुसार २०७४ सालको सोनाम ल्होछार फागुन ४ गते नै हो भन्न सकिन्छ ।